Keńes jumysyna qalalyq bilim basqarmasynyń basshysy L.Jylqybaeva, sıfrlandyrý basqarmasynyń basshysy B. Qońyrbaev, Almaty qalasy taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Á. Qalyqova jáne basqalary qatysty.
Keńes barysynda sanıtarlyq-epıdemııalyq qaýipsizdikti qamtamasyz etý turǵysynan mektep jumysyn taldaýdyń nátıjeleri qaraldy. Bul áleýmettik qashyqtyqty jáne "maska" rejımin saqtaý, dezınfeksııalyq quraldardyń jetkilikti mólsherimen qamtamasyz etý - týnnelder, sanıtaızerler, teplovızorlar, aıaq kıimge arnalǵan kilemsheler, bakterısıdti shamdar, baılanyssyz termometrııa júrgizý, dezınfeksııalaý jáne jeldetý júıeleriniń jumysy. Sondaı-aq, mektepterdiń medısınalyq pýnktteriniń jumysy jáne mektepterde qoldanylǵan maskalar men qolǵaptardy joıý erejelerin saqtaý máselesi kóterildi.
Keńeste qashyqtyqtan bilim berý, bilim berý platformalaryn paıdalaný, ınternetke qosylý jyldamdyǵy, sondaı-aq muqtaj otbasylardan shyqqan oqýshylar úshin tegin ınternet pakettiń kólemi máselelerin qaraýǵa erekshe nazar aýdaryldy.
Esterińizge sala keteıik, búginde Almatyda 271 myńnan astam oqýshyny qamtıtyn 207 memlekettik mektep jáne 16 myńnan astam oqýshyny qamtıtyn qalanyń 63 jekemenshik mektebi jumys isteıdi. Qalanyń 205 memlekettik mektebi úshin oqý jyly qashyqtan bastaldy. Kólsaı jáne Sulýsaı shaǵyn aýdandarynda ornalasqan eki mektepte keletin oqýshylar sanynyń az bolýyna baılanysty oqý shtattyq rejımde júrgizilýde. Sonymen qatar, aǵymdaǵy jyldyń 13 qyrkúıeginen bastap 1-4 synyp oqýshylary úshin ata-analardyń ótinishi boıynsha qala mektepterinde kezekshi synyptar uıymdastyryldy. Búgingi jaǵdaı boıynsha, Almaty qalasynyń TQSQBD málimetteri boıynsha kezekshi top oqýshylary men muǵalimder arasynda koronavırýs ınfeksııasyn juqtyrý faktileri anyqtalǵan joq.
