Jol apatynan «VAZ» kóliginiń júrgizýshisi túrli dene jaraqatymen aýrýhanaǵa jetkizilgen, al sol kólikte bolǵan jolaýshy áıel oqıǵa ornynda kóz jumǵan.
«Osy oqıǵa boıynsha Qylmystyq kodekstiń 345-baby 3-bóligi boıynsha sotqa deıingi tergep-tekserý bastaldy» dep habarlady Batys Qazaqstan oblystyq Polısııa departamentiniń resmı ókili Bolatbek Belgibekov.
Aıta keteıik, 2020 jylǵy 9 aıda oblys joldarynda 213 jol-kólik oqıǵasy tirkelgen, sonyń saldarynan 50 adam kóz jumyp, 251 adam ár túrli dene jaraqatyn alǵan. Al 2019 jylǵy 9 aıda – 226 apat bolyp, 78 adam qaza tapsa, 294 adam jaraqat alǵan edi.
Bıyl jyl basynan beri balalar zardap shekken 28 jol apaty bolyp, 1 bala kóz jumǵan, 31 bala jaraqat alǵan. Al 2019 jylǵy 9 aıda – 5 bala qaıtyp, 50-i jaraqat alǵan edi.
Ańdap qaraǵanda ótken jylǵymen salystyrǵanda jol apaty sany azaıǵany kórinedi. Biraq bul naýryz ben maýsym aralyǵynda Qazaqstanda engizilgen karantındik shekteý nátıjesi ekendigi belgili. Shekteý aıaqtalǵannan beri óńirde jol-kólik oqıǵalary qaıta kóbeıip barady. Eki kún buryn ǵana osy Saratov kúre jolynda bolǵan apattan eki adam qaza tapqan bolatyn.
Polısııa departamenti kólik júrgizýshilerin jolda júrý erejelerine nemquraıly qaramaı, ereje saqtaýǵa, jaıaý júrginshilerdi joldyń belgilengen bóliginen ǵana ótýge shaqyryp jatyr.
Batys Qazaqstan oblysy
