О́zgertý qajet dep sanalǵan kóshelerdiń qatarynda Lenın kóshesi de atalǵan-tyn. Endi mine, sóz iske asyp, Qaraǵandy qalasyndaǵy ortalyq kóshelerdiń biri – Lenın atyndaǵy kósheniń ataýy kelmeske ketip, zaman talabyna saı «Abaı kóshesi» bolyp ózgertildi.
Aıta ketetin bir jaıt, bul ózgertýge jergilikti bıýdjetten kók tıyn da jumsalmady. Jańa ataý jazylǵan taqtaıshalardy aýystyrýǵa ketken barlyq shyǵyndy jeke kásipker Erlan Áshim kóterip alǵan eken. «Lenın kóshesiniń ataýyn Abaı kóshesine aýystyrýǵa baılanysty barlyq shyǵyndy qalamyzdyń patrıoty, janashyr kásipker, «Nátige» sút fabrıkasy» JShS-niń dırektory Erlan Áshim ózi kóterýde. Kóshe ataýyn aýystyrýǵa bıýdjettik qarajat bólingen joq», dep habarlady Qaraǵandy qalasy ákiminiń baspasóz hatshysy Ásel Sádýaqasova.
Eske salar bolsaq, joǵaryda aıtqan qoǵamdyq tyńdaýda bolǵan aıtys-tartys kezinde «Bıýdjettiń qarajatyn bosqa shashqansha, aqshany basqa da sheshimin kútken máselelerge nege jumsamasqa?», degen saryndaǵy pikirler de aıtylǵan bolatyn. Mine, sol kezde osyndaı pikir ıelerine qarata jeke kásipker Erlan Áshim kóshe ataýlaryn ózgertýge keter shyǵynnyń bárin ózi kóterýge daıar ekendigin málimdegen edi.
Qaraǵandy qalasynyń turǵyndary ortalyq kóshelerdiń birine kemeńger tulǵa Abaı Qunanbaıulynyń esimi berilgenin zor qýanyshpen qabyl aldy. Mundaı ıgi isti olar hakimniń bıylǵy 175 jyldyq mereıtoıyna arnalǵan laıyqty tartý dep esepteıdi.
Qaraǵandy oblysy
