«Teatr 75 jyldan beri óz maýsymyn ulttyq mýzykalyq ónerdiń injý-marjany Ahmet Jubanov pen Latıf Hamıdıdiń «Abaı» operasymen ashyp keledi. Al bıylǵy osy dástúrdi saqtap qalý maqsatynda shyǵarmashylyq ujym qazaqtyń uly aqynynyń 175 jyldyǵyna arnalǵan «Uly Abaıǵa taǵzym!» qoıylymynda kórermen súıip tyńdaıtyn arııalar, dýetter jáne «Abaı» operasynan kórinistermen qatar, qazaqstandyq kompozıtorlar Muqan Tólebaev, Latıf Hamıdı, Syzdyq Muhamedjanov, Erkeǵalı Rahmadıev, Nurǵısa Tilendıev, Qapan Mýsınniń ánderi men romanstarynyń premeralyq oryndaýlaryn tyńdaýǵa bolady. Bul týyndylar sımfonııalyq orkestrdiń áýenimen buryn-sońdy oryndalǵan emes. Sondyqtan jańa aranjırovka men ánderdiń jańasha oqylýy tyńdaýshylarymyzdyń júregine jetip, ulttyq vokaldyq muranyń altyn qoryn aıtarlyqtaı baıyta túsedi dep úmittenemiz», – deıdi teatr dırektory Aıa Qalıeva.
Qazan aıy teatr kórermenderi úshin reseılik rejısser Alekseı Smırnov pen sýretshi Elena Bodrovanyń dýetindegi, Grıgorıı Frıdtiń «Anna Frank kúndeligi» mono operasynyń premerasymen jalǵasyn tabady. Spektakl 13 jasar jasóspirim qyzdyń kúndeligi negizinde qoıylǵan. Shyǵarma soǵystyń adamgershilikke jatpaıtyn bet-beınesin áshkereleıtin úlken adamzat tragedııasynyń tarıhı qujatyna aınaldy. Bıylǵy jyly II Dúnıejúzilik soǵysqa jáne Anna Franktyń ómirden ótkenine 75 jyl toldy. Onyń bala kúndeliginde jazylǵan jazbalary sheber jazylǵan ári oqyrmanyn tańǵaldyrmaı qoımaıdy. Búginde «Anna Frank kúndeligi» dúnıejúzilik mádenı qazynaǵa aınalyp, álemniń 70 tiline aýdarylǵan shyǵarma IýNESKO baǵdarlamasynyń «Álem jady» tizimine endi.
Aıa Qalıeva operanyń mýzykalyq tili qarapaıym emes, óıtkeni ol klassıkalyq jáne zamanaýı kompozıtorlyq stıl toǵysynda jazylǵan. Sondyqtan basty keıipkerdiń partııasyn oryndaýshylardan joǵary vokaldyq daǵdy talap etiledi. Mýzykalyq jeliniń kómegimen kompozıtor jasóspirimniń kóńil-kúıindegi aıyrmashylyqtardy barynsha jetkizýge tyrysady, dep atap ótti.
Operadaǵy basty partııalardy MAOBT solısteri Venera Alpysbaeva (soprano) jáne Nadııa Nadenova (soprano) oryndaıdy. Operanyń qoıýshy dırıjeri - Qazaqstannyń eńbek sińirgen qaıratkeri Erbolat Ahmedıarov.
Qazirgi kezde teatr kórermenimen kópten kútken kezdesýge daıyndyq ústinde. Qoıyoym barysynda kórermen qaýipsizdigi men áleýmettik qashyqtyq talaptary eseriletin bolady.
ALMATY
