Atalǵan konsorsıýmǵa agroónerkásip taýarlaryn óndirýshiler men saýda júıesiniń qatysýshylary kiredi.
Birinshi KTO Pavlodar oblysynyń Mıchýrıno aýylynda jáne Aqsý qalasynda, Almaty oblysynyń Qapshaǵaı qalasynda, Jambyl oblysynyń Shý qalasynda, sondaı-aq Nur-Sultan, Shymkent jáne Almaty qalalarynda salynady.
Jalpy, qurylatyn Ulttyq taýar ótkizý júıesi 24 kóterme-taratý ortalyǵynan turatyn bolady.
«Birinshi kezeńde 7 obektiniń qurylysy usynylady: 4 kóterme-taratý ortalyǵy (saqtaý) jáne 3 kóterme-taratý ortalyǵy (bólý), bastamashylyq etý merzimi 2020 jyldyń 5 qazany, ekinshi kezeńde – 7 nysan (2021 jyldyń kóktemi), úshinshi kezeńde – 10 nysan (2021 jyldyń kúzi)», dep málimdedi B.Sultanov.
Ulttyq taýar ótkizý júıesiniń barlyq modelin jeke qarjylyq bastama arqyly memleket-jekemenshik áriptestigi qaǵıdattarynda iske asyrý kózdeledi. Elimizde qurylatyn Ulttyq taýar ótkizý júıesiniń ınfraqurylymy 2,1 mln tonnadan astam taýarlardy qabyldaýdy, saqtaýdy jáne aýystyryp tıeýdi qamtamasyz etýge jáne 5 myń adamǵa jumys oryndaryn qurýǵa múmkindik beredi. Kóterme-taratý ortalyqtarynyń nomenklatýrasy 20 myńnan astam ónim ataýyn quraıdy.
Saýda jáne ıntegrasııa mınıstrliginiń josparlary boıynsha Ulttyq taýar ótkizý júıesi fermerlerdi, satyp alýshylardy, kólik qyzmetkerlerin, ótkizýshilerdi jáne tutynýshylardy biriktirý kerek.
«Ulttyq taýar ótkizý júıesi óndirýshilerdiń ótkizý naryqtaryna «alqaptan» «sórege» deıin, al tutynýshylardyń sapaly ónimge erkin qol jetkizýin qamtamasyz etedi», dedi Saýda jáne ıntegrasııa mınıstri.
UTJ qurý sheńberinde úsh úlgidegi kóterme-taratý ortalyqtarynyń biryńǵaı jelisi qurylatyn bolady:
- saqtaý (óndiris aýdandarynda, qabyldaý, saqtaý jáne bastapqy óńdeý boıynsha qyzmetter kórsetiletin bolady);
- saýda (oblys ortalyqtary men iri qalalardyń qala mańynda dıstrıbıýtorlarǵa, dúkenderge jáne qoǵamdyq tamaqtaný oryndaryna ótkizý, pysyqtaý jáne t.b. kezeńde saqtaý ınfraqurylymyna qoljetimdilikti qamtamasyz etedi);
- bólý (qalalar sheginde nemese qala mańynda. Saýda obektileriniń qajettilikteri úshin ónimniń kóterme partııalaryn ýaqytsha saqtaý jáne aýystyryp tıeý boıynsha logıstıkalyq qyzmetter kórsetetin bolady).
