«Shahter» – Qazaqstan Kýbogynyń ıegeri

Ústimizdegi jylǵy 10 qarasha kúni Astana­da­ǵy «Astana-Arena» sport kesheninde Qara­ǵandynyń «Shahter» jáne Tarazdyń «Ta­raz» komandalary ara­synda fýtboldan Qa­zaqstannyń 2013 jylǵy Kýbogy úshin fınaldyq oıyn bolyp ótti. Onda 1:0 esebi­men jeńiske jetken ken­shiler komandasy Ký­bokqa qol jetkizdi. Qa­raǵandylyqtarǵa bul júldeni matchty ar­naıy kelip kórgen Memleket basshysy Nur­sultan Nazarbaev tabys etti.

«Shahter» kezdesýdiń basynan birden shabýylǵa shyqty. Komandanyń bul matchtan kóp úmit kútetini bas jattyqtyrýshy Vıktor Kýmykovtyń ustanǵan taktıkasynan baıqaldy. Ol elimizdiń chempıonatynda óz shákirtteriniń júldeli oryndardan kórine almaıtyny belgili bola bastaǵan kezde bar kúsh-jigerdi birden Eýropa fýtbol alańdaryndaǵy shaıqastarǵa aýdaryp jiberdi.

Ústimizdegi jylǵy 10 qarasha kúni Astana­da­ǵy «Astana-Arena» sport kesheninde Qara­ǵandynyń «Shahter» jáne Tarazdyń «Ta­raz» komandalary ara­synda fýtboldan Qa­zaqstannyń 2013 jylǵy Kýbogy úshin fınaldyq oıyn bolyp ótti. Onda 1:0 esebi­men jeńiske jetken ken­shiler komandasy Ký­bokqa qol jetkizdi. Qa­raǵandylyqtarǵa bul júldeni matchty ar­naıy kelip kórgen Memleket basshysy Nur­sultan Nazarbaev tabys etti.

«Shahter» kezdesýdiń basynan birden shabýylǵa shyqty. Komandanyń bul matchtan kóp úmit kútetini bas jattyqtyrýshy Vıktor Kýmykovtyń ustanǵan taktıkasynan baıqaldy. Ol elimizdiń chempıonatynda óz shákirtteriniń júldeli oryndardan kórine almaıtyny belgili bola bastaǵan kezde bar kúsh-jigerdi birden Eýropa fýtbol alańdaryndaǵy shaıqastarǵa aýdaryp jiberdi.

Sonyń arqasynda onyń jigitteri Qazaqstan komandalary arasynan birinshi bolyp Eýropa lıgasynyń toptyq kezeńinde óner kórsetý deńgeıine deıin jetti. Al jasaqtyń toptyq kezeńde kelesi aınalymǵa shyǵa almasyn bilgesin, Qazaqstan Kýbogy úshin aıqasty birinshi kezekke shyǵara qoıdy. Sóıtip, ol budan birqatar ýaqyt buryn kári qurlyq komandalary dodasynyń jaýapty matchtary aldynda qalaı Premer-lıga oıyndaryna kenshilerdiń ekinshi quramyn shyǵarsa, osydan birneshe kún buryn Gollandııada ótken toptyq kezeńniń kezekti oıynyna da qosalqy quramyn sala qoıdy. Bul aralyqta negizgi quram respýb­lıka Kýbogy úshin kezdesýge qyzý daıyndalyp jatty.

О́zin osyndaı taktık retinde tanytqan Vıktor Kýmykovtyń komandasy fınaldyq oıynnyń barysynda qarsylasyna qaraǵanda tyń kórindi. Onyń matchtaǵy qımylyna qarap, bıyl úsh maıdanda qatar shaıqasqan komandanyń sarbazdaryn kórgendeı bola almaǵanymyzdyń bir sebebi, álgindegideı ony osy kúnge baptap jetkizgen bapkerdiń eńbeginde jatyr edi. Sondyǵynan bolar, birinshi taım tolyq qaraǵandylyqtardyń belsendiliginde qaldy. Ara-tura tarazdyqtardyń sholǵyn jasap turǵandary bolmasa, negizinen basymdyq solardyń tizgininde turdy. Alaıda, kezdesýdiń birinshi bóliginde eki jaq ta esep asha almaı, teń tarqasty.

Ekinshi taımdy taǵy da «Shahter» shabýylmen órbitip áketti. Onyń oıynshylary qarsy jaqqa qysymdy burynǵydan beter kúsheıte tústi. Aqyry 53-mınýtta olar sol basymdylyqty golǵa da aınaldyryp úlgerdi. Aıtatyny joq, ol keremet bir úılesimdilikke qosa dáldikti tanytatyndaı bolyp soǵyldy. Osy jerde kenshilerdiń «Eýropany kórgenderi» anyq ańǵarylyp qaldy. Ony aıyp alańyna lyp etip jetip kelgen dopqa ózin qorshaǵan eki qorǵaýshynyń arasynan sytylyp shyǵyp, aıaǵyn tıgizip úlgergen Sergeı Hıjnıchenko túsirdi. Doptyń ushyp kelip, onyń aıaǵyna tııýi men odan qaıta serpilip baryp, qaqpanyń toryna gúmp etip túse qalýy quddy bir bılıardtyń sharyn naǵyz qas sheberi kerimi kelisken kıımen urǵanyndaı ádemi áser qaldyrdy.

Qaraǵandy fýtbolshylary budan keıin de esepti ulǵaı­tatyn múmkindikterdi talaı ret jiberip aldy. Mundaı átte­ge­n­aıdy Aleksandr Sımchevıch pen Sergeı Hıjnıchenko bastary­nan keship ótti. Biraq olar Ra­mıl Nurmuhametovti qapy qal­dyratyndaı aıla tappady. Kenshiler budan keıin de birneshe ret esepti eseleýge shaq qaldy. Sonyń bárinde tarazdyqtar sońǵy sátterde qaqpalaryn goldan aman alyp qalyp jatty. Soǵan qaramastan, «Shahter» sońǵy sátke deıin shabýyldaýdan qaıtqan joq. Sóıtip, joǵarydaǵy Hıjnıchenko salǵan jalǵyz dop Kýboktyń taǵdyryn sheship ketti.

Aıta ketý kerek, bul matchty elimizdiń Prezıdenti Nursultan Nazarbaevpen birge ÝEFA prezı­denti Mıshel Platını, onyń orynbasary, Ýkraına fýtbol federasııasynyń burynǵy pre­zıdenti Grıgorıı Sýrkıs, Reseı Fýtbol odaǵynyń basshysy Nıkolaı Tolstyh tamashalady.

Taǵy bir aıta ketetinimiz, bul «Shahterdiń» Qazaqstan Kýbogy fınalyndaǵy birinshi jeńisi bolyp tabylady. Ol buǵan deıin eki ret – 2009 jáne 2010 jyldary aqtyq aıqasta utylyp qalǵan edi. Osy jeńisi arqyly qaraǵandylyqtar Eýropa lıgasyna kelesi jylǵa joldama da alyp qoıdy.

Sońǵy qosarymyz, «Shahterdi» 2011, 2012 jyldary Qazaqstannyń chempıony degen ataqqa jetkizgen Vıktor Kýmykov bıyl oǵan eli­mizdiń Kýbogyn da alyp berdi. Al mundaı jetistikke jetken jattyqtyrýshylar bizde onsha­lyqty kóp emes.

Damır QOJAMQUL.