«Keshendi josparda farmasevtıkalyq jáne medısınalyq ónerkásipti qoldaý men damytýdyń negizgi baǵyttary kózdelgen: farmasevtıkalyq qyzmetti, EAEO sheńberinde dárilik zattar men medısınalyq buıymdardyń aınalysyn retteıtin zańnamalyq jáne normatıvtik aktiler, memlekettik qoldaý sharalary, ǵylymı-zertteý jáne tájirıbelik-konstrýktorlyq jumystar, ınvestısııa tartý, salany kadrmen qamtamasyz etý, dárilik zattardy tańbalaý, olardy qadaǵalaý jáne otandyq dárilik zattar men medısınalyq buıymdardy óndirýshilerdiń qýatyn arttyrý», - dedi A.Soı.
Keshendi josparda belgilengen is-sharalar otandyq dárilik zattar jelisin 297 ataýǵa jáne medısınalyq buıymdar jelisin 2348-ge arttyrýdy kózdeıdi, bul Qazaqstan Respýblıkasynyń dárilik zattar men medısınalyq buıymdar naryǵyndaǵy otandyq óndirýshilerdiń úlesin 2025 jylǵa qaraı aqshalaı 17 paıyzdan 30 paıyzǵa deıin, al zattaı 39 paıyzdan 50 paıyzǵa deıin arttyrýǵa múmkindik beredi.
«Qazaqstan Respýblıkasy naryǵynda otandyq óndirýshilerdiń úlesin 50% jetkizý ulttyq dárilik qaýipsizdikti qamtamasyz etedi, al DDSU árbir elde otandyq dárilik zattar men medısınalyq buıymdardyń úlesin keminde 30 paıyzǵa jetkizýdi usynady», - dedi A.Soı.
