Mınıstrdiń sózinshe, Jol kartasy oblystaǵy eń ózekti degen ekologııalyq problemalardy qamtıdy.
"Jol kartasy 7 bólimnen turady. Atap aıtqanda, kógaldandyrý, qaldyqtardy basqarý, jer qoınaýyn paıdalaný, iri óndiris oshaqtarynyń shyǵaratyn qaldyqtary, radıoaktıvti qaldyqtar jáne taǵy basqa máseleler. Jalpy jobany daıyndar aldynda Mańǵystaý oblysyndaǵy ekologııalyq ahýalǵa keshendi saraptama jasaldy. Osy ýaqytqa deıingi halyqtyń ótinish-tilekteri eskerildi. Qazir de barlyq másele tolyq qamtylýy úshin keri baılanys óte mańyzdy", dedi mınıstr.
Kezdesýge qatysqan qoǵamdyq uıymdar men iri kásiporyn ókilderi óńirdegi ekologııalyq ahýaldy jaqsartý boıynsha óz usynystaryn berdi. Kópshiliktiń pikirinshe, oblysta táýelsiz ekologııalyq monıtorıngti kúsheıtip, aýanyń sapasyn baqylaıtyn arnaıy qurylǵylar ornatý kerek. Ekotýrızm qolǵa alynýy qajet. Sonymen birge jıynda Qyzyl kitapqa engen Kaspıı ıtbalyǵyn saqtap qalý men "Qoshqar-Ata" qaldyq qoımasynyń ekologııalyq problemalary da kóterildi.
"Qoshqar-Ata" bizdiń maqtanyshymyz, ejelgi zamannyń eń eski eskertkishteriniń biri. О́kinishke qaraı, azamattarymyz tarıhı jerdiń aýmaǵyn lastap jatyr", dedi "Eko Mańǵystaý" qoǵamdyq birlestiginiń basshysy.
Mınıstrdiń sózinshe, kóterilgen máselelerdiń kóbi Jol kartasy jobasyna engizilip qoıǵan.
"Jol kartasy jumys isteıtin, ózekti ekologııalyq sheshimder kórinis tapqan qujat bolýy tıis. Árkim de ondaǵy pýnktterdiń oryndalýyn qadaǵalaı alady. Qosymsha usynystaryńyz da sonda engiziledi", dep atap ótti M.Myrzaǵalıev.
Jol kartasy jobasy boıynsha qoǵam ókilderi eki apta ishinde óz usynystaryn bere alady.
Aıta keteıik, Ekologııa, geologııa jáne tabıǵı resýrstar mınıstrligi elimizdiń barlyq óńirindegi ekologııalyq problemalardy jurtshylyqpen talqylap, árqaısyna jeke Jol kartasyn ázirleýde.
