"Qymbatty otandastar!
Qyrǵyzstan eń qıyn kezeńdi bastan ótkerýde.
Eshqandaı bılik nemese laýazym adam ómirinen joǵary bola almaıdy.
О́zderińiz biletindeı, men adam ómirine qaýip tóndirmedim jáne "Aq úı" ǵımaratyna kirgenderge qarsy kúsh qoldanýǵa buıryq bermedim.
Sol kúnderi narazylyq bildirýshilerdi kúshpen basý týraly shuǵyl usynystar da keldi. Men ony múldem qabyldamadym. Bul qaqtyǵystarǵa ákelýi múmkin.
Sol sebepti, men tótenshe jaǵdaı rejımin engizý týraly jarlyqqa qol qoıǵan joqpyn.
О́ńirlerde meni qoldap, mıtıngige shyǵyp, sóz sóılegisi keletin otandastar da az bolmady. Men olardan bulaı jasamaýyn ótindim. Sebebi, osy kúnderi halyqty bólip-jarýdyń qanshalyqty qaýipti ekenin óz kózimizben kórdik.
Qurmetti otandastar, qyzmetke ornalasqysy kelgender maqsatyna jetti. Endi kóshede aksııa jasaýdy jalǵastyryp jatqan jaqtastaryńyzǵa toqtaý salý kerek. Men taǵy da aksııany uıymdastyrýshylar men saıası lıderlerdi bárin zańdy turǵyda sheshýge shaqyramyn.
Men osy qıyn sátte joǵary azamattyq ustanym kórsetken jastarymyzdyń eńbegin zor rızashylyqpen atap ótkim keledi. Tún uıqysyn qıyp, eldegi beıbitshilikti, azamattar men memlekettiń menshigin saqtaý úshin qyzmet etkenderge dán rızashylyǵymdy bildiremin.
Sońǵy kúnderi kimniń neni kóksep júrgenine kóz jetkizdik. Osy rette, jas qyrǵyzstandyqtar, Sizder bılik úshin kúresken úlkenderge úlgi boldyńyzdar. Bılik emes, Qyrǵyzstan qymbat ekenin sóz júzinde emes, is júzinde kórsettińizder. El múddesi bárinen mańyzdy ekenin shyn dáleldedińizder.
Men barlyq tarapty ustamdylyqqa shaqyramyn. Memleket múddesi jeke bastyń ambısııasynan joǵary ekenin taǵy da eske salamyn.
Biz birlese júrip bul qıyndyqty jeńemiz dep senemin.
Qurmetti otandastar, qazirgi ózekti másele - Qyrǵyzstanda beıbitshilik pen qoǵamdyq tártipti qamtamasyz etý!
Qyrǵyzstanǵa Jaratqan jar bolsyn!»
Eske sala keteıik, keshe Qyrǵyzstan Respýblıkasynyń Prezıdenti málimdeme jasady.
