«O, ǵajap!»

Beıjińdi tebirentken qazaq áýenderin kórermender osylaı dep qabyldady

Barmasań, kelmeseń – jat bolarsyń degendeı, ózinde baryn kórsete almaǵan eldiń qandaı ekenin kim bilgen. Biraq táýelsizdik mańdaıyna baq bolyp qonǵan Qazaqstandy qysqa ýaqyt ishinde Elbasynyń kóregen saıasatynyń arqasynda álem tanyp, moıyndap úlgergeni anyq. Buǵan eldiń barlyq salasy óz úlesin qosyp jatqany jáne aıǵaq. Sonyń biri retinde álemniń tórt buryshyn aralap, kúı qudiretin áýeletken qazaq áýeni endi, mine, Aspanasty eliniń aspanyn da jan jadyratar jyrymen kómkerip aldy. Qytaıdyń úlken teatryna jınalǵan beıjińdikter qazaq ániniń tula boıdy kernegen, júrek qylyn qozǵaǵan erekshe sazy men qasıetine tik turyp, qol soqty. Iltıpatpen qurmet kórsetti.

Beıjińdi tebirentken qazaq áýenderin kórermender osylaı dep qabyldady

Barmasań, kelmeseń – jat bolarsyń degendeı, ózinde baryn kórsete almaǵan eldiń qandaı ekenin kim bilgen. Biraq táýelsizdik mańdaıyna baq bolyp qonǵan Qazaqstandy qysqa ýaqyt ishinde Elbasynyń kóregen saıasatynyń arqasynda álem tanyp, moıyndap úlgergeni anyq. Buǵan eldiń barlyq salasy óz úlesin qosyp jatqany jáne aıǵaq. Sonyń biri retinde álemniń tórt buryshyn aralap, kúı qudiretin áýeletken qazaq áýeni endi, mine, Aspanasty eliniń aspanyn da jan jadyratar jyrymen kómkerip aldy. Qytaıdyń úlken teatryna jınalǵan beıjińdikter qazaq ániniń tula boıdy kernegen, júrek qylyn qozǵaǵan erekshe sazy men qasıetine tik turyp, qol soqty. Iltıpatpen qurmet kórsetti.

Iá, Qazaqstannan Qytaıdyń astanasy Beıjińge elimizdiń mádenı kúnderin ótkizýge barǵan bir top óner ıelerine mun­­daı qoshemet tekke kórsetilmegeni bel­gili. О́ıtkeni, elimizdiń Prezıdenti Nur­sultan Nazarbaev: «Adamzat tarıhynyń kúretamyry – mádenıet» dep aıtqandaı, buryn da, qazir de tirshiliktiń máni de, sáni de mádenıette ekendigin adam balasy moıyndap otyr. Bul oraıda, Qazaqstannyń álem elderi arasyndaǵy mádenı-gýmanıtarlyq yntymaqtastyǵy jyldan-jylǵa jandana túsýde desek, artyq aıtqandyq emes. Jalpy, bul turǵyda, Qazaqstan men Qytaı halyqaralyq mádenıet uıymdarynyń, atap aıtqanda, IýNESKO-nyń aýqymynda ózara baılanystar belsendi júrgizilip kele jatqany kóńil qýantady.

Qazaqstan-Qytaı qatynastarynyń eń negizgi qujaty – 2002 jylǵy 23 jel­toq­sandaǵy Qazaqstan Respýblıkasy men Qytaı Halyq Respýblıkasy ara­syn­da­ǵy Tatý kórshilik, dostyq jáne ynty­maq­tastyq týraly kelisim bolyp tabyla­dy. Qazaqstan-Qytaı qatynastary ózi­niń saıası baılanystarynyń joǵarǵy qar­qyndylyǵymen sıpattalady. Sonyń ishinde mádenıet salasyndaǵy ekijaqty qatynastarǵa aıryqsha mán berilýde. Jalpy, eki eldiń arasyndaǵy yntymaqtastyqtyń joǵary deńgeıde ekendigin bildiretin sharalar jıi ótýde. Máselen, sonyń biri Búkilálemdik ámbebap kórmeler tarıhyn­da 2010 jyly Shanhaı qalasynda uıym­dastyrylǵan kórmeniń mańyzy erekshe bolǵanyn bar basylym jarysa jazdy. Bul «Tamasha qala – tamasha ómir» uranymen ótkizilgen Dúnıejúzilik ámbebap kórme Hýanpý ózeniniń qos jaǵalaýynda, Nanpý jáne Lýpý kópirleriniń ortasynda qanat jaıdy. Osynda bizdiń elimiz EKSPO-2010 kórmesine tuńǵysh ret óziniń pavılonyń saldy. Sóıtip, «Astana – Eýrazııa júreginde» atty Qazaqstan pavılony eń jańa jáne joǵary qarqynmen damyǵan álem astanalarynyń birinen sanalatyn Astana qalasynyń tájirıbesi arqyly elimizdiń táýelsizdik jyldarynda qol jetkizgen jetistikterin aıdaı álemge pash etti. Qazaqstanda Konfýsıı ınstıtýttary jumys jasaýda.

2011 jylǵy 11-13 qazan aralyǵynda Qazaqstan Táýelsizdiginiń 20 jyldyǵyna oraı Astananyń Beıjińdegi mádenıet kúnderi ótkizildi. R.Rymbaeva, A.Musaqo­jaeva jáne N.О́skenbaeva sııaqty qazaq­standyq ártisterdiń qatysýymen gala-konsert ót­ken bolatyn. Sol sııaqty, osy jyly kúz­de Qytaı Halyq Respýblıkasy Gansý provınsııasynyń Aqsaı qazaq avtonomııaly ýezinde tól kúresimizden toǵyzynshy ret Azııa chempıonaty ótti. Oǵan 14 elden 100-ge jýyq balýan qatysyp, qazaq kúresinen qurlyqtyń bas júldesin sarapqa saldy.

Endi, mine, jer jumaǵy Saryarqadan jetken tekti áýen úlken teatrdyń, tipti, Beıjińniń, Qytaı aspanyn desek te artyq emes, terbetip áketti. Qazaqtyń qasıetti qara dombyrasynyń tilinen bal tamyzyp, án men kúıdiń keremet kúıin keltirgen Qurmanǵazy atyndaǵy akademııalyq orkes­tri qaptaǵan qalyń kórermenniń kóńilin kógildir kókke kótere tústi. Áldebir tátti de jumbaq se­zim­ge bólengen jurt: «O, ǵa­jap!» desti. Qulaq­tan kirip, boıdy ara­laǵan tátti kúı men ásem án jan jylýyn baıytyp, ár júrektiń qyl pernesin dóp basyp jatty.

Bul sózimizge naqty dálel gala-konsert baǵdarlamasyna qazaqstandyq jáne álemdik mýzykalyq mádenıet murasynan klassıkalyq jáne qazirgi tańdaǵy opera­nyń shyǵarmalary, vokaldy, aspapty jáne bı óneri qamtyldy. Qazaqstan bı óneriniń ulttyq kórki – Astana Ballet horeo­grafııalyq ujymynyń halyqaralyq tusaýkeseri ótti. «Abaı» operasynan «Toı­bastardy» Qa­zaqstannyń eńbek sińirgen qaıratkerleri T.Musabaev pen A. Nııazova oryndaǵanda kórermender kóz aldyna qazaq halqynyń máýeli turmysyn, úlgili salt-dástúrlerin elestetkendeı boldy. О́ıtkeni, qazaq hal­qynyń negizgi meıramdary osy «Toı­bastar» dep atalatyn saltanatty án­men ashylatyny anyq.

Qytaıdyń Han áýletiniń elshisi 2 myń jyldan astam ýaqyt buryn beıbitshilik pen dostyq mıssııasymen qazaq dalasyna eki ret kelipti. Sol saparlar Qytaıdyń Ortalyq Azııamen dostyq qatynastarynyń keńeıýine yqpal etip, Jibek jolynyń Shyǵystan Batysqa, Azııadan Eýropaǵa barar baǵyttaryn ashqanyn tarıhshy­lar da jaqsy biledi. Mine, osyǵan oraı ertedegi Jibek jolynyń boıyn jaı­laǵan qazaq jeri Shyǵys jáne Batys órke­nıetiniń yqpaldastyǵyna zor úles qosyp, túrli ulttar men mádenıetter arasyndaǵy baılanystardyń damýyna úlken septigin tıgizdi. Jalpy, bul oraıda uly dala óneri, mádenıeti men qazynasy týraly syr shertetin derekter kóp. Sonyń qazirgi kezdegi biri retinde Qytaı Halyq Respýblıkasyndaǵy Qazaqstannyń mádenıet kúnderi aıasynda Beıjiń qala­synyń Ulttyq murajaıynda elimizdiń Mádenıet jáne aqparat mınıstrliginiń uıymdastyrýymen «Uly dala qazynasy» atty kórmeniń ashylýy boldy.

Kórmede arheologtar Qazaqstan aýma­ǵynan tapqan erte dáýir kóshpendileriniń (skıf-saq) altyn buıymdary, sondaı-aq, murajaı qorynan alynǵan zerger-sheberlerdiń dástúrli buıymdary kelýshiler nazaryna usynyldy. Mundaǵy basty eksponat 1969 jyly K.Aqyshevtiń basshylyǵymen Esik qorǵanynan tabylǵan b.z.d. V-IV ǵasyrmen belgilenetin «Altyn adam» bolyp tabylady. Sol sııaqty, atalǵan kórmede Shilikti hanynyń qalpyna keltirilgen saq kıimi jáne 1999 jyly arheolog-ǵalym Z. Samashev Araltóbe qorǵanynda taýyp alǵan Sarmat jaýyngeri de kórsetildi. Sondaı-aq, munda Berel qorǵanynan qazba jumystaryn júrgizý kezinde tabylǵan skıf-saq ańshylyq stılinde resimdelgen at saımannyń, er-toqymnyń dúnıeleri jáne «Jalaýly qazynasynan» saq dáýirindegi áshekeı buıymdar, «Qarǵaly qazynasynan» bezendirý stılinde jasalǵan zergerlik zattar jıyntyǵy qoıyldy.

Qazaqstannyń zerger-sheberleri ejel­­gi qolóneriniń eń ozyq dástúrlerin jal­ǵastyryp kelgeni anyq. Olar metaldyń qundylyǵyn sheber paıdalana otyryp, sáýkele, belbeý, tumar, alqa, sholpy, bilezik, syrǵa jáne júzik sııaqty buıymdardy tabıǵı jartylaı baǵaly tastarmen be­zendirip, kúmisten jasaǵan. Munda 4 myń­­nan asa altyn buıymdar túrli tehnı­kalar – quıý, qyrlaý, órnekteý jáne t.b. arqyly oryndalǵan. Sondyqtan da kú­misten, altynnan, tabıǵı jáne jartylaı baǵaly tastardan jasalǵan dástúrli qazaq zergerlik buıymdarynyń túrli-tústi kórmesi kelýshilerdi tańǵaldyrdy. Jylqy ábzelderi, qarý-jaraq, áıelderdiń zergerlik buıymdary – bulardyń bári de úlken sheberlikpen jasalyp, kúndelikti ómirde qoldanylǵan. Materıaly jáne oryndalýy boıynsha asqan sheberlikpen jasalǵan «О́ńirjıek» – keýde buıymy, «sáýkele» – kelinshekke arnalǵan bas kıim – joǵary mańyzy men máni bar zergerlik buıymdar. Olardy jasaý tehnıkasynyń tamyry tereńde jatyr – qazaq zergerleri kóne sheberlerdiń dástúrlerin jalǵastyryp, estafeta boıynsha bizdiń qazirgi sheberlerge jetkizdi. Bizdiń zamandastarymyz – zergerler ejelgi sheberlerdiń qalyptasqan dástúrlerine uqyptylyqpen qaraıdy. Osy oraıda aıta ketý kerek, elordamyz Astana tórinde ornalasqan altyn jáne baǵaly metaldar memlekettik murajaıy «Mádenı mura» memlekettik baǵdarlamasyn iske asyrý barysynda tabylǵan qazaq halqynyń rýhanı jáne materıaldyq qundylyqtaryn jurtshylyqqa pash etýdi kózdeıdi. Sóı­tip, «Uly dala qazynasy» kórmesi beı­jińdikterdi táýelsiz Qazaqstanymyzdyń baı mádenı murasymen, tarıhymen, ónerimen jáne dástúrlerimen tanystyryp, shynaıy da mazmundy málimetter berdi.

Keń-baıtaq jerimizdiń asty da, ústi de qazynaǵa baı ekendigi jáne ony tıimdi paıdalana bilý óz nátıjesin bergendigine Qytaı basshysy Sı Szınpın de, ıaǵnı, Qazaqstannyń táýelsizdik alǵannan bergi jyldardaǵy ekonomıkalyq jáne saıa­sı damýyndaǵy jetistikterine tańdanys bildirgen bolatyn. Qazaq eliniń bul tarapta edáýir ilgeri ketkenin jáne bul qadamy halyqtyń turmys deńgeıin aıtarlyqtaı jaqsartyp, halyqaralyq bedeliniń artýy­na jol ashqanyn atap ótti. Munyń taǵy bir dáleli Astananyń qazirgi kelbetinen de kórinip turǵanyn jetkizdi. «Nebári 10 jyldyń ishinde naǵyz zamanaýı qala deńgeıine kóterilgen Astana Qazaqstan jeriniń taǵy bir ǵajaıyp qubylysy atanyp otyr. Astana – eńbeksúıgishtiktiń, Qazaqstan halqynyń ósip-órkendeýi men jarqyn bolashaǵynyń sımvoly», dedi osy oraıda QHR Tóraǵasy. Sonda Sı Szınpın máńgilik dostyq pen eki myń jyldan astam ózara qatynastardyń jylnamasy, túrli ulttary, mádenıetteri, dinderi bar elder ózara senim men túsinistik, teń quqyqtyq ári ózara tıimdilik rýhyn basshylyqqa alatyn bolsa, birlesken damýǵa umtylyp, beıbitshilik pen kelisim jaǵdaıynda qanat jaıa alatynyn atap ótken bolatyn.

Al bul turǵydan qarar bolsaq, Qytaı mádenıeti álemdegi eń baıyrǵy mádenıet bolyp sanalady. О́ıtkeni, Qytaı ǵana dos­tyq pen konfýsıandyq fılosofııalyq ilimderdiń otanyna aınaldy. Sondyqtan da bolsa kerek, konfýsıandyq álemtaný júzdegen jyldar boıy Qytaıdyń resmı ıdeologııasy bolyp keldi.

Qytaıdyń sýret óneri men poezııa­sy tereń oılarǵa qurylǵan. Qytaı she­berleriniń qolynan shyqqan sýretterdiń boıaýy men tehnıkalyq oryndaý sheberlikterimen tań­ǵaldyrady. О́ıtkeni, qytaılyqtar qashanda eńbeksúıgish, tabandy, tapqyr. Sondyqtan da, Qytaıda talaı uly ja­ńalyqtar dúnıege keldi, alǵashqy kompas pen oq-dári de Qytaıda jasalǵan. Qytaılyq saıahatshylar Uly Jibek jolyn ashyp, Afrıka jaǵalaýlaryna jetip, Úndistan, Taıland, Japonııaǵa júzip bardy. Bir kezdegi osy Uly Jibek joly boıynda qazir munaı-gaz qubyrlary tartylyp, eki eldi avtomagıs­traldar, temir jáne áýe joldar baılanys­tary odan ári jaqyndata jalǵastyryp jatyr. Mine, osylaısha Qytaı men Qazaqstan halyqtarynyń mádenı-tarıhı baılanystary kóne tarıh qoınaýynan bastaý alady. Bul baılanystardyń jalǵasy retinde eki halyqtyń ǵasyrlar boıy tatý kórshi, adal áriptes bolýynyń aıǵaǵyn Beıjiń qalasyndaǵy úlken murajaılardyń qaı-qaısysynan bolmasyn taba alamyz.

Al Qytaıdyń kallıgrafııa óneri óz aldyna bir áńgime. Sol sııaqty, qytaılyq mádenıette qoıan-qoltyq urys óneri óte mańyzdy oryn alady. Dástúrli kóp­saıystardyń qaısybiri qytaılyq mádenı qundylyqtardyń arasynan oryn tepti. Máselen, arystan men aıdahar bıi – dás­túrli qytaılyq bıler. Olar túrli fes­tıvalder men meıramdarda, ásirese, Jańa jylda erekshe oryndalady. Qytaılyqtar ózderiniń salt-dástúrlerin, yrymdaryn asa qurmetteıdi jáne bylaı qaraǵanda, jatqan bir jumbaq halyq bolyp kórinedi. Biraq olardaǵy negizgi erejelerdi saqtar bolsaq, álemniń basqa elderine qaraǵanda Qytaıdaǵy ómir áldeqaıda jeńil ári tartymdy ekeni baıqala túsedi. Muny qytaılyqtar eńbeksúıgishtik, shydamdylyq, patrıottyq, kishipeıildilik, etıka ilimin jaqsy meńgerýmen baılanystyrady. Munyń bári qytaıdyń ulttyq erekshelikteri bolyp tabylady. Qytaıdyń ulttyq erekshelikteri, kóbine olardyń turǵyndarynyń minez-qulqy men is-áreketterinen kórinis taýyp jatady. Olarǵa ádeptilik pen sypaıylyq tán, olar onsha kóp sezimge boı aldyrmaı jáne oqıǵaǵa ustamdy qaraı biledi. Qytaılyqtarmen kezdeskende jeńil qol alysý men sál bas ııýdiń ózi jetip jatyr. Degenmen, olar anaý aıtqandaı, tuıyq emes, kerisinshe, ashyq jáne jarqyn áńgimelesýge qashanda daıyn.

Jalpy, Qytaıdyń mádenıeti sonaý baǵzy zamannan bastaý alady jáne onyń tamyry óte tereńde jatyr deıdi biletinder. О́ıtkeni, qytaılyq mádenıet qana adamzatqa Qudaı arqyly berilgen dep eseptelinedi. Adamgershilik, ádildik, minez-qulyq erejesin saqtaý, biliktilik jáne adaldyq ejelgi Qytaıdyń túrli dana ımperatorlarynyń, ámirshileriniń ómirlik ustanymdary bolǵany anyq. Mine, Qytaıdyń mádenıeti osy qundylyqtar arqasynda qalyptasyp, damyp jáne saqtalyp keledi. Máselen, Meı Lanfannyń esimi men «Beıjiń Operasy» tea­try álemdi silkindirip, jalpy, moıyndalǵan sımvoldardyń birden-bir keremetine aınaldy. «Beıjiń Operasy» degenimiz, bul teatr óneriniń (opera, balet, pantomımo, tragedııa jáne komedııa) barlyq janrlarynyń ushtasýy. Repertýar baılyǵy, sıýjet kúrdeliligi, akterlerdiń sheberligi men sahnalyq qaıtalanbas sátter arqyly kórermender júregine jol taýyp, olardyń qy­zyǵýshylyǵy men qoshemetine bólenedi. Bul oraıda, «Beıjiń Operasy» sekildi ashyl­­­­ǵanyna kóp bolmasa da, ózimizdiń «As­­­­tana Opera» memlekettik opera jáne ba­­­­­let teatry zamanaýı jańalyǵymen, tea­t­­­­r sańlaqtarynyń sheberlik shyńyndaǵy ǵa­­jaıyp ónerlerimen qazirdiń ózinde-aq tany­­lyp qalǵany belgili. Olar da ónerlerin Qy­taıda taǵy bir márte asqaqtata tústi.

«Birlik bar jerde, tirlik bar», deı­di dana halqymyz. Endeshe, mádenı yntymaqtastyq salasyn odan ári damytý týraly Elbasy Bishkekte ótken Shanhaı yntymaqtastyq uıymynyń kezekti sammıtinde de atap ótti. Mádenıet salalaryndaǵy yntymaqtastyqty odan ári tereńdetýdi «Shanhaı úderisiniń» mańyzdy bólikteri dep sanaımyn, dedi Qazaqstan Prezıdenti.

Sonyń bir kórinisindeı, eki el bas­shylarynyń ýaǵdalastyǵyna saı Qazaq­stannyń mádenıet kúnderiniń jalǵasy Úrimshi qalasynyń «Opera Haýs» atty ope­ralyq zalynda odan ári máni men mańyzyn baıyta tústi. Munda Qazaqstannyń mádenıeti men ónerin jan-jaqty tanys­tyrǵan gala-konsert ótti. Konsertte Qurmanǵazy atyndaǵy qazaq memlekettik akademııalyq halyq aspaptar orkestri, QR eńbek sińirgen qaıratkeri Bekbolat Tileýhan, Maıra Muhamedqyzy, QR halyq ártisi Roza Rymbaeva, respýblıkalyq já­­ne halyqaralyq konkýrstardyń laý­reattary Birjan Álıev, Tólebek Nurǵalı, Nurjan Bajekenov, Saltanat Ahmetova sııaqty Qazaqstannyń tanymal ártisteri, «Orda» toby, sonymen qatar, joǵaryda aıtqanymyzdaı, «Astana Opera» mem­lekettik opera jáne balet teatrynyń ártis­teri de óner kórsetti.

Bul halyqaralyq shara Qazaqstan-Qytaı mádenı yntymaqtastyǵynyń jal­­­ǵasy ispettes. Onyń Qazaqstan Res­pýb­lıkasynyń Mádenıet jáne aqparat mınıstrligi tarapynan uıymdastyrylyp otyrǵany kóńilge qýanysh ákeledi. Sóıtip, bul máni zor mádenı kúnderdiń ashylý saltanatyna Qytaı eliniń mádenı mu­ra jáne mádenıet qyzmetkerleri, dıp­lomatııalyq korpýs, el turǵyndary, qa­zaq dıasporasynyń ókilderi qatysyp, aqjarqyn tilekterin bildirdi. Máselen, Beıjiń «Ulttar» baspasynyń qyzmetkeri Munaı Ábilbaıuly Qytaıda otyz jyldan beri turyp kele jatqanyn, jergilikti halyqtyń ónerimen tanys ekenin, degenmen, Qazaqstannan kelgen óner adamdarynyń sheberlikteri tańǵaldyrǵanyn jasyrmaı aıtty. Sol sııaqty, Úrimji qalasynyń baıyrǵy turǵyny Nurmuqan Januzaq, Shyńjań telearnasy qazaq redaksııasynyń dırektory Raqymjan Toqtaqyn da konsertten alǵan áserlerin, Qazaqstannyń tamasha jetistikterin maqtana jyrlady. Al Shanhaı yntymaqtastyq uıymynyń bas hatshysy Dmıtrıı Mezensev bul konsertten alǵan jaǵymdy áserimdi tilmen aıtyp jetkizý múmkin emes, deıdi. О́te tamasha óner kórsetildi. Qazaqstannyń osyndaı mádenı jetistikteri, eki eldiń arasyndaǵy myzǵymas dostyq qarym-qatynastary, bir-birine degen úlken qurmeti, konserttegi óner kórsetken ártisterdiń sheberlikteri adamǵa úlken maqtanysh sezimin týdyrady. Bul tek ártisterdiń sahnada óner kórsetýi ǵana emes, osy ar­qyly eki eldiń dostyǵyn álemge pash etý bolyp tabylady, dedi Dmıtrıı Fedorovıch.

Qytaı Halyq Respýblıkasynyń Úrimji qalasynda Qazaqstan Respýblıkasynyń mádenıet kúnderine baılanysty jalǵasqan án men kúıdiń naǵyz máýeli áýeni shary­q­tady. Kórermen jurtshylyq lyq tolǵan zal sahnasy shymyldyǵy sypyrylyp, odan Qurmanǵazy atyndaǵy Qazaq Mem­lekettik akademııalyq halyq aspaptar orkestri kóringende ıin tiresken zal ishin dý qol soǵý úni kómip jiberdi. Shyn kó­ńil­den shyqqan qurmet halyqaralyq konkýrstardyń laýreaty Arman Júdebaev dırıjerlik etken orkestr Qurmanǵazynyń «Saryarqa» kúıin tógildirip, tamsandyryp, tańǵaldyryp ári shattandyryp oryndap shyqqan soń da qyzý jalǵasyn tapty. Budan keıin de sol A.Júdebaevtyń dırıjerlik etýimen «Birjan-Sara» operasyndaǵy «Aıtysty» orkestrmen qo­syla halyqaralyq konkýrstardyń laý­rea­ty Nurjan Báje­kenov, Qazaqstan Res­pýblıkasynyń eńbek sińirgen qaıratkeri Aıgúl Nııazova oryndaǵanda aıtys óneriniń qudireti men qasıeti, tapqyrlyq pen sóz sheberligi ushtastyryla aıqyndaldy. Al Qazaqstan Respýblıkasynyń eńbek sińirgen ártisi, Memlekettik syılyqtyń laýreaty Bekbolat Tileýhan A.Seıdimbektiń «Dáýren-aı» jáne «Moldabaıdyń ánin» oryndaǵanda án sazy men oryndaý sheberligine rıza bolyp qol soqpaǵan jan qalmady.

Qazaqstan Respýblıkasynyń eńbek sińirgen qaıratkeri Aıgúl Qosanova qazaqtyń halyq áni «Saǵan halqym» jáne Segiz seriniń «Gaýhartas» ánderin naqyshyna keltirip oryndap berdi. «Bul, bul zaman» kompozısııa­syn halyqaralyq konkýrstardyń laýreaty Edil Qusaıynov, Erbolat Ahmedııarovtyń dırıjerlik etýinde halyqaralyq konkýrs­tardyń laýreaty Nurjan Bajekenov Marııam Jagorqyzynyń «Dýdaraıyn», sol sııaqty, soprano sherýin Qazaqstannyń eńbek sińirgen qaıratkeri Aıgúl Nııazova jáne halyqaralyq konkýrstardyń laý­reattary Saltanat Ahme­tova, Ásem Sembına, Yqylastyń «Jez­kıigin» qobyzshylar trıosy Ásel Raqymjan, Anar Qabdymanova, Aınagúl Ádilova, halyqaralyq konkýrstardyń laý­reaty Saltanat Ahmetova Latıf Hamıdıdiń «Bul­bulyn» asqaqtata oryndady.

Qazaq bıi «Aqqý qyzdaryn» «Aqqý» folklorlyq-horeografııalyq ansambli men orkestr shalqyta tógildirip, kórer­menniń kóńiline kórikti kúıinde jetkize bildi. Al Qazaqstan Respýblıkasynyń eńbek sińirgen ártisi Maıra Muhamedqyzy qazaqtyń halyq áni «Aǵajaı Altaıdy», uıǵyrdyń halyq áni «Bir pıala» jáne qytaı halqynyń «Qytaı meniń súıikti elim» ánin, Qazaqstannyń halyq ártisi Roza Rymbaeva N.Tilendıevtiń «Kýá bol», Chen Djın Sınniń «Shattyq únin» jáne Talǵat Musabaev, Andreı Treý­benko, Oleg Tatamırovpen qosylǵan kon­serttiń barlyq músheleri tolyǵymen sahna tórinde tizilip «Atamekendi» shyrqaı sharyqtatqanda, shirkin-aı, shattanbaǵan jan qalmady-aý! Zal toly halyq oryndarynan tik turyp qol soqty. Uzaq soǵyp turyp aldy. Olar tamasha Qazaq elinen kelgen óner adamdarymen qoshtasqylary kelmedi.

Osylaısha, Qazaqstan Respýblıkasynyń mádenıet kúnderin Qytaı Halyq Respýb­lıkasynda ótkizý búkil qytaı kórermenderi úshin qazaq mádenıetine degen úlken qyzy­ǵýshylyqty oıatyp, Qazaqstan-Qytaı má­denı baılanystaryn damýdyń jańa satysyna kótere túskeni iri jetistik ári úlken abyroı dep bilemiz.

Aleksandr TASBOLATOV,

«Egemen Qazaqstan».

ASTANA – BEIJIŃ – ÚRIMJI – ASTANA.

Sýretterdi túsirgen Erlan OMAROV.