Táýelsiz saraptama organy ulttyq deńgeıdegi qoldanbaly problemalardy sheshý úshin ǵylymdy tartý keleshektegi mindetterdiń biri bolyp belgilengen Memleket basshysynyń aǵymdaǵy jylǵy 1 qyrkúıektegi Qazaqstan halqyna Joldaýyn iske asyrý turǵysynda quryldy.
Keńes jumysynyń negizgi baǵyttary – sybaılas jemqorlyqqa qarsy kúres boıynsha úzdik álemdik tájirıbelerdi taldaý, beıimdeý jáne engizý maqsatynda proaktıvti ǵylymı-kásibı qoǵamdastyqty qalyptastyrý, sybaılas jemqorlyqqa qarsy bastamalardy keshendi ǵylymı-saraptamalyq baǵalaý, sybaılas jemqorlyqqa qarsy is-qımyl boıynsha jobalyq usynystardy ázirleý.
Agenttiktiń jańa konsýltatıvtik-keńesshi alańy Ulybrıtanııadaǵy qazaqstandyq PhD qaýymdastyǵynyń jáne álemniń basqa da jetekshi joǵary oqý oryndarynyń júzden astam jas ǵalymdarynyń basyn biriktirdi.
Alık Shpekbaev óz sózinde atap ótkendeı, bizdiń jas ǵalymdar, sheteldiń úzdik ýnıversıtetterinde bilim alyp, qyzmet jasap júrgen ǵylym doktorlary elimizdiń damýyna óz úlesterin qosýǵa daıyn, bul sózsiz, qazaqstandyq jastardyń patrıotttyq sezimin kórsetedi.
"Tek bıýdjet esebinen ǵana "Bolashaq" baǵdarlamasy boıynsha shetelde búginde 150-ge jýyq PhD doktor bilim alǵan jáne qazirgi ýaqytta da osynshasy shyńdalýda. Google, Deloitte, Facebook jáne basqa da úzdik kompanııalarda jumys isteıtin, ıdeıalar usynýǵa daıyn kásipqoılardyń arasynda jas qazaqstandyqtar az emes. Áleýet bar jáne ony eldiń odan ári damýyna, onyń ishinde sybaılas jemqorlyqqa qarsy baǵytqa baǵdarlaý kerek", dedi Agenttik Tóraǵasy.
Ol birlesken jumystyń maqsattary men mindetteri retinde damyǵan memleketterdiń sybaılas jemqorlyqqa qarsy halyqaralyq standarttaryn qoldaný praktıkasyn zerdeleýde, olardy bizdiń respýblıkamyzda iske asyrý tetikterin ázirleýde ǵalymdardyń járdemdesýi qajet ekenin atap ótti.
Bilim jáne ǵylym vıse-mınıstri Mıras Daýlenov óz sózinde memlekettik organdardyń qyzmetinde qazaqstandyq ǵalymdardyń tájirıbesi men bilimin qoldaný tásilderiniń durystyǵyn belgileı otyryp, Sybaılas jemqorlyqqa qarsy qyzmet pen ǵylymı qaýymdastyqtyń yntymaqtastyǵyn qoldady.
О́z kezeginde Ulybrıtanııadaǵy qazaqstandyq PHD qaýymdastyǵynyń prezıdenti, Keńes basshysy bolyp saılanǵan Álııa Sembaeva qaýymdastyqtyń tabysty tájirıbesi negizinde, onyń jumysynyń paıymyn tanystyrdy. О́z sózinde ol ashyq, básekege qabiletti jáne dostyq tájirıbeler negizinde memlekettik saıasatty qalyptastyrýǵa ǵylymı negizdelgen tásildi engizýdiń mańyzdylyǵyn atap ótti.
Otyrys barysynda PhD doktorlary men doktoranttary, onyń ishinde Avstralııa, Ulybrıtanııa jáne basqa eýropalyq elderdiń
is-sharaǵa onlaın qatysýshylary jekelegen baǵyttardaǵy sybaılas jemqorlyq táýekelderin joıý boıynsha óz usynystaryn usyndy.
Máselen, Satbayev University ınnovasııalar jónindegi basqarýshy dırektory Shyńǵys Chernııazdanov elimizdiń jetekshi tehnıkalyq joǵary oqý ornynyń atynan qatysýshylarǵa Qazaqstandaǵy ǵylym men óndiristiń ózara is-qımyly boıynsha tásilderin jetkizdi, sondaı-aq Prezıdenttiń ǴZTKJ-ǵa qatysty tapsyrmalaryn oryndaý boıynsha usynystaryn usyndy. Spıker elimizde talantty ǵalymdar úshin jáne qazaqstandyq aqyl-oıdy shetelden tartý úshin qolaıly jaǵdaı jasaýdyń mańyzdylyǵyna nazar aýdardy.
Keńes sarapshylary jumys isteı bastaǵan taǵy bir joba – joǵary bilim berý salasyndaǵy sybaılas jemqorlyq máselesi. Otyrys barysynda áleýmettik zertteýler negizinde, sheshý joldaryn keńestiń sarapshylar toby usyndy (Arman Rahımov, Anar Muhtarova. Gúlshat Túsipova, Móldir Qabylova).
О́z tarapynan sybaılas jemqorlyqpen kúresýshiler ázirlengen usynystardy is júzinde júzege asyrý boıynsha sharalar qabyldaıdy.
Agenttik, ǵylymı qoǵamdastyqpen syndarly ózara is-qımyl elimizdiń sybaılas jemqorlyqqa qarsy saıasatynyń tıimdiligin aıtarlyqtaı arttyrýǵa múmkindik beretinine senim bildirdi.
