Kez kelgen eldi damytýshy negizgi kúsh – jastar. Táýelsizdik alǵan alǵashqy kúnnen-aq Qazaqstan bilikti mamandar daıarlaý men bilim salasyn álemdik standarttarǵa saı reformalaý úshin kóptegen zańdar qabyldap, baǵdarlamalardy júzege asyrdy. Mysalǵa alsaq, solardyń biregeıi Elbasy bastaý basynda turǵan «Bolashaq» baǵdarlamasy sátti iske asyrylyp, búginde jemisin berip jatyr. «Bolashaqtaı» baǵdarlama áli kúnge birde-bir elde dúnıege kelgen joq. Dál qazir men osy baǵdarlamanyń stıpendıaty bolyp, Qytaı astanasyndaǵy Sınhýa ýnıversıtetinde bilim alyp jatyrmyn.
Kez kelgen eldi damytýshy negizgi kúsh – jastar. Táýelsizdik alǵan alǵashqy kúnnen-aq Qazaqstan bilikti mamandar daıarlaý men bilim salasyn álemdik standarttarǵa saı reformalaý úshin kóptegen zańdar qabyldap, baǵdarlamalardy júzege asyrdy. Mysalǵa alsaq, solardyń biregeıi Elbasy bastaý basynda turǵan «Bolashaq» baǵdarlamasy sátti iske asyrylyp, búginde jemisin berip jatyr. «Bolashaqtaı» baǵdarlama áli kúnge birde-bir elde dúnıege kelgen joq. Dál qazir men osy baǵdarlamanyń stıpendıaty bolyp, Qytaı astanasyndaǵy Sınhýa ýnıversıtetinde bilim alyp jatyrmyn.
Sınhýa ýnıversıteti – Qytaıdaǵy eń yqpaldy ǵasyrlyq tarıhy bar ýnıversıtet. 2010 jyly AQSh-tyń tanymal «Forbs» qarjy jýrnaly álemdegi eń kórkem on tórt ýnıversıtetti anyqtady. Onyń ony AQSh-ta bolsa, úsheýi Eýropada, al Azııadan jalǵyz Sınhýa ýnıversıteti osy kórsetkishtiń qatarynan tabyldy. Kórki kóz qaryqtyrar osy oqý ordasy, sonymen qatar, birinen keıin biri bılikke kelgen eki el basshysyn, ıaǵnı eks-basshysy Hý Szın Tao men qazirgi basshysy Sı Szınpındi de túletken! Taıaýda Qytaıda yqpaldy saıasatkerlerdi daıyndaǵan ýnıversıtetter tizimi jarııalandy. Bul tizimde bılik basyndaǵy eń yqpaldy 49 saıasatkerdi túletkeni úshin Sınhýa ýnıversıteti birinshi oryndy ıelenip, «Saıasat kemeńgerleriniń besigi» degen ataqqa ıe boldy.
Elimizdiń oqý ordalarynan ózgesheligi – bul ýnıversıtettiń aýmaǵy óte úlken. Sol sebepti ýnıversıtet aýlasynyń ishinde arnaıy avtobýstar qatynaıdy. Al stýdentterdiń kóbi velosıpedpen júredi. Atalmysh oqý ordasynyń stýdenti atanýdyń ózi bir ǵanıbet. Mundaǵy árbir jas ár salanyń aty zatyna saı mamany bolyp shyǵady. Olardyń ár kúni qarbalasqa toly. О́ıtkeni, ataǵyna qaraı ýnıversıtettiń talaby da joǵary. Kitaphana tańǵy jeti jarymnan bastap túngi on birge deıin jumys jasaıdy. Tańerteń jarym saǵat keshigip barsańyz, kitaphanadan oryn tappaı qalýyńyz ábden múmkin. Al ár kúni tańmen birge oıanyp, ýnıversıtet aýlasyndaǵy baý-baqshalar ishinde úńile sabaqqa kirisetinderiniń ózi qanshama. Osynyń ózi adamnyń bilimge degen qushtarlyǵyn oıatary anyq. Sonymen qatar, munda ózge eldiń balalary da bilim alady. Olardyń boıynan kóptegen izgi qasıetterdi úırenýge bolady. О́z elińniń atyna kir keltirmes úshin áriptesterińmen básekelestikte bilim alasyń. Ustazdarym meni jaqsy úlgerimim úshin maqtap jatsa, men elimdi maqtap jatqandaı qýanamyn. Sol kezde men munda óz qara basymnyń qamyn kúıttep emes, tutas bir Otannyń senimin arqalap júrgenimdi jaqsy túsinemin. Al memleket degenimiz tek Qazaqstan bıligi emes, ol – sol memlekettiń halqy. Sondyqtan biz eń aldymen halyqtyń úmitimiz.
1993 jyly 5 qarashada qurylǵan «Bolashaq» baǵdarlamasynda ótken jylǵa deıin toǵyz myńnan astam stýdent onyń stıpendıaty atanyp, álemdegi aldyńǵy qatarly otyzdan astam memlekettiń eń myqty oqý ordalarynda bilim alý múmkindigine ıe boldy. Munyń ózi osy ortalyq ujymynyń judyryqtaı jumylyp, árbir máselege bel sheshe kirisip, jaýapty da jalyndy eńbek etkendiginiń aıǵaǵy dep bilemin.
Árıne, elimizdiń irgesiniń bekem bolýy, ár salanyń órkendep kórkeıýi, árbir jemisti jetistikke qol jetkizýi eń aldymen Tuńǵysh Prezıdentimiz Nursultan Ábishuly Nazarbaevtyń bolashaqtyń kemel keleshegin batyl boljap, parasattylyq pen kemeńgerlikti tý etip ustanǵan saıasatyna tikeleı baılanysty.
Elbasymyz bir sózinde: «Elińniń uly bolsań, elińe janyń ashysa, azamattyq namysyń bolsa, qazaqtyń memleketin nyǵaıtyp, kórkeıýi jolynda terińdi tógip eńbek et. Jerdiń de, eldiń de ıesi ekenińdi umytpa», – degen edi. Sondyqtan men shet jerde alǵan bilimimdi elimniń ıgiligine jumsaǵym keledi. Bul – meniń Uly Qazaq eliniń aldyndaǵy uly paryzym!
Talap MEIIR,
Sınhýa ýnıversıtetiniń 3-shi kýrs stýdenti.
