37 jastaǵy namıbııalyq – birinshi jartylaı orta salmaqta úsh nusqa boıynsha (IBF, IBO jáne WBA (Super) álem chempıony atanǵan ákki boksshy. 2017 jyldyń tamyz aıynda ol absolıýtti álem chempıony ataǵy úshin amerıkalyq Terens Kroýfordpen (36-0, 27 KO) judyryqtasyp, alǵash ret jeńildi. Bir jyldan keıin taǵy bir amerıkalyq boksshy Redjıs Progreısten utylǵan. Al eń keıingi jekpe-jegin 2019 jyldyń tamyz aıynda Karltavıýs Djonsonmen ótkizip, (4-2) jeńiske jetken.
Búginge deıin toǵyz ret sharshy alańǵa shyǵyp, barlyq qarsylasynan basym túsken otandasymyz eń keıingi jekpe-jeginde amerıkalyq Alan Sanchesti (20-5-1, 10 KO) tehnıkalyq nokaýtpen jeńgen.
Eleýsinov-Indongo arasynda aıqas 27 qarashada Gollıvýdtaǵy (AQSh, Florıda shtaty) Seminole Hard Rock Hotel and Casino arenasynda ótedi. Aıta keteıik, Eleýsinov-Indıgo jekpe-jegi sáýir aıynda uıymdastyrylýy tıis edi. Alaıda pandemııaǵa baılanysty keıinge shegerilgen-tin.
