"Ýkraına Qazaqstannyń mańyzdy seriktesteriniń biri. Eki el arasyndaǵy qarym-qatynas ózara yntymaqtastyqqa jáne dostyqqa negizdelgen. Bizdiń elderimizdiń mádenı-gýmanıtarlyq baılanysy da dáıekti túrde damyp keledi. Aldaǵy ýaqytta ózara qarym-qatynasty odan ári nyǵaıtýǵa eki memleket te múddeli. Osy turǵydan kelgende, búgin qabyldanyp otyrǵan zań quqyq qorǵaý salasy boıynsha yntymaqtastyqty arttyrýǵa múmkindik beredi dep senemiz", dedi Senat Tóraǵasy.
Shartta qylmystyq ister boıynsha quqyqtyq kómek rásimderi, suraý salýdyń nysany men mazmuny, berý sharttary, kómek kórsetýden bas tartý úshin negizder jazylǵan.
"Shartty ratıfıkasııalaý kúdiktiler men aıyptalýshylardyń qylmys jasaýdaǵy kinásin dáleldeýge baǵyttalǵan is-áreketterdi keshendi júrgizýge yqpal etetin bolady, sondaı-aq Qazaqstan men Ýkraınanyń quzyretti organdarynyń tikeleı ózara is-qımyl jasaýǵa ókilettik beredi", dedi senator Nurlan Beknazarov.
Osy shartty ratıfıkasııalaý Ýkraına tarapymen qylmystyq-quqyqtyq saladaǵy ekijaqty sharttardyń tolyq toptamasyn jasaqtaýdy aıaqtady.
Sonymen qatar depýtattar Senat otyrysynda birqatar saýaldardy jarııa etti. Depýtat Álı Bektaevtyń saýalynda "Aýyl-el besigi" memlekettik baǵdarlamasyn iske asyrýdaǵy problemalar aıtyldy. Depýtat Aqylbek Kúrishbaevtyń saýaly agroónerkásip kesheni boıynsha statıstıkany jetildirý máselelerine qatysty boldy. Dınar Nóketaeva sırek kezdesetin aýrýlary bar adamdardy dárilik zattarmen qamtamasyz etý týraly jáne ýákiletti organnyń tirkeýinsiz elge ákelingen dárilik zattardy ótkizýdi retteý týraly saýalyn jarııa etti. Depýtat Ábdáli Nuralıev sýarmaly jerlerdi sýmen qamtamasyz etýge baılanysty máselelerdi qozǵady. Senator Rysqalı Ábdikerov "Kitaphana isi týraly" zań jobasyn ázirleý qajettigi týraly saýal joldady. Depýtat Súıindik Aldashevtiń saýaly 2025 jylǵa deıin salynýǵa tıis "Beıneý-Shalqar" avtomobıl jolynyń qurylysyna qatysty boldy. Senator Álimjan Qurtaev óz saýalynda maqta baǵasyn retteý máselesine nazar aýdardy.
