CONFIX polımerli betony sementbetondy jabyndydaǵy shuryq-tesik pen shuńqyrlardy jóndeýge arnalǵan. "UneedUs" kompanııasynyń aqparynsha, bul sońǵy ónertabystardyń biri. Jańashyldyǵyn aıtar bolsaq, fraksııalanǵan qum men sementten quralǵan jáne túrli polımerler qosylǵan qurǵaq qospa túrindegi materıal.
CONFIX modıfıkasııalanǵan materıaly sýmen aralastyrylǵanda tez qatady. Negizinen jabyndysy betonnan bolatyn aerodromdar men avtojoldardaǵy túrli aqaýlardy joıýda qoldanylady. Máselen, shuńqyrlar men oıdym-oıdym tesikterdi jóndeýde paıdalanylady.
Qazir joldyń tájirıbe-eksperımentik aýmaǵynda zertteýler men baqylaýlar júrgizilýde. Oń nátıje bolǵan jaǵdaıda atalǵan tehnologııa respýblıkalyq mańyzy bar avtomobıl joldaryndaǵy ortasha jóndeý jumystaryna engizilmek.
Eske sala keteıik, elimizdiń avtojol salasynda jańa tehnologııalar men materıaldardy engizý jumysy belsendi júrgizilýde. Jumys materıaldy jumsaý men jol konstrýksııalarynyń ózindik qunyn tómendetip, beriktik minezdemelerin arttyrýǵa jáne jóndeýaralyq merzimin ulǵaıtýǵa baǵyttalǵan.
