Túrli-tústi bılbordtar elorda halqynyń AITV-ınfeksııasynyń aldyn alý jónindegi habardarlyǵyn arttyrý, stıgma men dıskrınımasııa problemalaryna jáne AITV-men ómir súretin adamdardyń quqyqtarynyń saqtalýyna jurtshylyqtyń nazaryn aýdarý.
Atalǵan aksııany AITV-ǵa test tapsyrýǵa úndeýmen IýNEIDS-tiń Qazaqstandaǵy "Sport AITV-ǵa qarsy" arnaıy ókili, Olımpıada chempıony, elimizdiń jeti dúrkin chempıony, Qazaqstan Respýblıkasynyń Eńbek sińirgen sport sheberi Baqtııar Artaev qoldady.
JITS-tyń aldyn alý jáne oǵan qarsy kúres ortalyǵynyń dırektory S.B. Abdraımovtyń aıtýynsha, AITV-ǵa testileý – AITV-nyń aldyn alý qaǵıdattarynyń biri, al óz mártebesin bilý búgingi kúni AITV-ınfeksııasynyń epıdemııasyna qarsy is-qımyl boıynsha birinshi dárejeli mánge ıe.
"Qabyldanyp jatqan sharalarǵa qaramastan, AITV-ınfeksııasynyń epıdemııasy jalǵasýda jáne onyń halyqtyń osal toptarynyń sheginen jalpy halyqqa shyǵýy aıqyn boldy. Osylaısha 2020 jyldyń 9 aı qorytyndysy boıynsha AITV anyqtalǵan adamdardyń jartysy-turaqty jumysy men tabysy bar áleýmettik-beıimdelgen adamdar. Barlyq juqtyrǵandardyń shamamen 70%-y 20-39 jas aralyǵyndaǵy jastar. AITV-ınfeksııasynyń taralýynda jynystyq jol basym ról atqarady, onyń úlesi jyl saıyn ósip keledi. Jas erler arasynda gomoseksýaldyq qarym-qatynas kezinde AITV juqtyrýdyń ósý úrdisi baıqaldy. Osynyń barlyǵy AITV-men syrqattanýshylyqtyń ulǵaıý qaýpin týǵyzady", dep AITV-ınfeksııasyn epıdemııalyq qadaǵalaý bóliminiń meńgerýshisi Injý Aımagambetova atap ótti.
Nur-Sultan qalasynda 2020 jylǵy 9 aıdyń qorytyndysy boıynsha AITV-nyń 185 jaǵdaıy tirkeldi.
JITS ortalyǵynda dıspanserlik esepte 1271 AITV juqtyrǵandar tur, 1117 adam antıretrovırýstyq terapııa alady.
