"2020 jyldyń 1 qańtarynan bastap Qazaqstanda MÁMS júıesi iske qosyldy. Kez-kelgen azamat MÁMS júıesindegi óziniń saqtandyrý mártebesin anyqtap alýy kerek. Mysaly, adamǵa qandaı da bir syrqat boıynsha dıagnoz qoıylǵan jaǵdaıda jáne oǵan medısınalyq kómek qajet boldy. Eger ol saqtandyrylmaǵan bolsa, onda bul adamǵa quramyna ýchaskelik dáriger, jedel kómek, shuǵyl stasıonarlyq kómek, áleýmettik mańyzy bar aýrýlar kezinde kórsetiletin medısınalyq kómek túrleri kiretin tegin medısınalyq kómektiń kepildik berilgen kólemi (TMKKK) qoljetimdi bolady. Al MÁMS paketi boıynsha beriletin medısınalyq kómek túrleri tek saqtandyrylǵan azamattarǵa ǵana qoljetimdi. Osylaısha eger siz MÁMS júıesinde ózińizdiń saqtandyrý mártebeńizdi anyq bilseńiz, 2020 jyldan bastap ózińizge qajetti barlyq medısınalyq qyzmetter spektrin ala alasyz. Sońǵy málimetke sáıkes bizdiń oblysta 293 myńnan astam adam saqtandyrylmaǵan. Bizdiń mamandar osy turǵyda turǵyndarǵa túsindirý jumystaryn júrgizýde", dedi "Áleýmettik medısınalyq saqtandyrý qory" KeAQ ShQO boıynsha fılıalynyń dırektory Ǵalymjan Ábilov.
Sonymen qatar Ǵalymjan Ábilov Telegram Bot (@SaqtandyryBot) jáne Qoldau 24/7 mobıldi qosymshasy arqyly MÁMS salasyna qatysty kez-kelgen aqparatty alýǵa bolatynan atap ótti.
