Ortalyqtyń ashylýy qajetti qyzmetterdi qol jetimdi etedi. Osylaısha, kóptegen qala turǵyndary bas Psıhıkalyq densaýlyq ortalyǵynan keńes alýdy qajet etpeıdi. Ony jaqyn ornalasqan emhanadan alýǵa bolady.
Qalalyq psıhıkalyq densaýlyq ortalyǵynyń dırektory Olga Komarova atap ótkendeı, osyndaı qıyn ýaqytta psıhıkalyq densaýlyqty saqtaý jáne oǵan qamqorlyq jasaý kezek kúttirmeıtin mindetterdiń biri.
«10 qazan – búkil álemde psıhıkalyq densaýlyq kúni. Bul adamnyń óz áleýetin iske asyra alatyn jáne stressti jeńe alatyn ál-aýqat kúıin bildiredi. Pandemııa kezinde kóptegen adamdar ómirde qıyndyqtarǵa tap boldy. Mundaı sátterde bastapqy ortalyqtar kómegi aıryqsha mańyzdy», – deıdi dırektor Olga Komarova.
Spıkerdiń aıtýynsha, sozylmaly aýrýlardyń jıi órshýimen aýyratyn uzaq merzimdi naýqastar úshin gıpohondrııalyq buzylystar kóbinese qatar damyp, jedel reaksııa kúsheıedi. Mundaı sátterde árbir turǵyn mamandarǵa júginip, keńes ala alady.
Nur-Sultanda barlyǵy 6 birdeı ortalyq №2, 6, 9, 10 qalalyq emhanalar bazasynda jumys isteıdi. Mamandandyrylǵan kómekti kópsalaly top, psıhıatr, psıhoterapevt, psıholog, áleýmettik qyzmetker kórsetedi.
Jalpy, elordalyq bastapqy psıhıkalyq densaýlyq ortalyqtary 7 myńnan astam turǵynǵa kómek kórsetti.
Sondaı-aq dárigerler elordada eresek turǵyndar arasyndaǵy aýyr psıhıkalyq jáne minez-qulyq buzylystarynyń jalpy jıiligi 2019 jylǵy 306 jaǵdaıdan 2020 jyldyń 9 aıynda 192 jaǵdaıǵa deıin tómendegenin aıtady.
