Tuńǵysh Prezıdent Nursultan Nazarbaevtyń «Dıplommen – aýylǵa!» baǵdarlamasy kóptegen jastardyń baǵyn ashty. Mamandyqtary boıynsha jumystaryna ornalasyp, memleket tarapynan kórsetilip otyrǵan qoldaýlarǵa ıe boldy. Sóıtip, ájeptáýir kóterilip qaldy. Retine qaraı keıbireýleri kredıt alyp, baspana da satyp aldy. Kári áke-sheshelerin qoldaryna kóshirip, olardy baǵyp-qaǵyp, perzenttik paryzdaryn ótep otyrǵandary da bar.
Tuńǵysh Prezıdent Nursultan Nazarbaevtyń «Dıplommen – aýylǵa!» baǵdarlamasy kóptegen jastardyń baǵyn ashty. Mamandyqtary boıynsha jumystaryna ornalasyp, memleket tarapynan kórsetilip otyrǵan qoldaýlarǵa ıe boldy. Sóıtip, ájeptáýir kóterilip qaldy. Retine qaraı keıbireýleri kredıt alyp, baspana da satyp aldy. Kári áke-sheshelerin qoldaryna kóshirip, olardy baǵyp-qaǵyp, perzenttik paryzdaryn ótep otyrǵandary da bar.
Alaıda, Elbasy shaqyrýymen aýylǵa kelip, memleket tarapynan kórsetilip otyrǵan qoldaýlarǵa qoldary jete almaı júrgen jas mamandar da aýdanda barshylyq. Ol, árıne, sózsiz jergilikti basshylardyń kinási. О́ıtkeni, memleketimizde qarjy jetedi. Ol týraly taıaýda ǵana keńes ótkizgen Memleket basshysy «Bıyldyń ózinde 157 mıllıard teńge ıgerilmeı qalǵaly tur», dep renjip aıtty. Tıisti oryndarǵa naqty tapsyrmalar berdi.
Buqaralyq aqparat quraldarynan berilgen osyndaı maqalalardy oqyp, oblys ákimderi men mınıstrlikter tarapynan ketip jatqan kemshilikterge eriksiz qynjyldyq.
Bizdiń aýdanda «Dıplommen – aýylǵa!» baǵdarlamasy boıynsha aýdandyq ekonomıka jáne bıýdjettik baǵdarlamalar bólimine 2012-2013 jyly 107 jas maman kelip tirkelip, tıisti qujattaryn ótkizgen eken. Olardyń tek 40-y ǵana kóterme aqshalaryn alypty. Bul kelgenderdiń jartysyna da jetpeıdi. Qalǵandaryna kóterme aqy men úı alýlaryna kredıt berýge qarajat jetpegen tárizdi. Qazaqstan Respýblıkasy Úkimetiniń «Egemen Qazaqstan» gazetinde 2011 jyly 13 sáýirde jarııalanǵan №51 qaýlysymen bekitilgen «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryna áleýmettik qoldaý sharalaryn usyný» memlekettik qyzmet standarttaryna sáıkes qujattaryn tolyq ótkizgen jas maman 39 kúnniń ishinde qolyna kóterme aqshalaryn alýǵa tıisti bolatyn. Alǵashqy jyldary solaı boldy da. Aýylǵa kelgen jas mamandar, joǵaryda aıtylǵandaı memlekettik standarttarda kórsetilgen talaptarǵa saı kóterme aqshalary men tıesili kredıtterin alyp, eńselerin kóterip qalǵan edi. Qazir bul is qojyrap barady. Oǵan kim kináli? Árıne, jergilikti basshylar. О́ıtkeni, jergilikti jerlerde Prezıdent tapsyrmalaryn is júzine asyratyn solar.
Memlekettik qyzmettegi patrıottyqty Qazaqstan Respýblıkasynyń Konstıtýsııalyq zańdaryn buljytpaı oryndaý men Elbasy tapsyrmalaryn júzege asyrýdan bólip qaraýǵa bolmaıdy. Kim Elbasy pikirimen kelispeıtin bolsa, tapsyrmalaryn oryndamasa, ol óz erkimen qyzmetten ketýge tıisti. Bul memlekettik qyzmette isteıtin adamdar úshin jazylmaǵan zańnyń bir tarmaǵy bolýy shart.
Halyqqa qyzmet kórsetý – úlken mártebe. Al jastarǵa qoldaý jasaý bolashaqtyń irgetasyn qalaý desek te bolady. Tuńǵysh Prezıdent Nursultan Nazarbaevtyń ózi muryndyq bolyp, bastama kótergen kezde «bar aqshany joq» etip, jerge qarap otyrǵan keıbir sheneýnikterdiń is-áreketteri, árıne, janyńdy aýyrtady.
Memleketimizde qarajat bola tura, Prezıdent tapsyrmasy nege oryndalmaıdy?
Marat QAShQYNBAEV,
Balqash aýdandyq máslıhaty
apparatynyń jetekshisi.
Almaty oblysy,
Balqash aýdany,
Baqanas aýyly.
