Jetpis jyldan astam ýaqyttan beri jınalǵan óndiris qaldyqtary qorshaǵan orta men ekologııaǵa zııanyn tıgizip keldi. Jyldar boıy qordalanǵan túıtkildi máseleniń ońtaıly sheshimi tabyldy. Búgin munda óndiris qaldyqtaryn óńdep, tústi metall konsentratyn shyǵaratyn óndiris orny iske qosyldy. Kásiporynnyń zııandy qaldyqtardy zalalsyzdandyrýda ekologııalyq mańyzy zor.
Qaladaǵy biregeı jobanyń jumysymen búgin Indýstrııa jáne ınfraqurylymdyq damý mınıstri B.Atamqulov pen Shymkent qalasynyń ákimi Murat Áıtenov tanysty. Memlekettik ındýstrııalyq-ınnovasııalyq damý baǵdarlamasyna engiziletin jobany «Standard Steel KZ» JShS-gi júzege asyrdy. Munda jylyna 400 myń tonna óndiris qaldyqtary qaıta óńdeledi.
Búgingi tańda jobanyń jylyna 250 myń tonna qaldyqtardy óńdeıtin birinshi jelisi jumysyn bastady. Zaýyt bıyl qarasha-jeltoqsan aılarynda tolyǵymen iske qosylǵanda 400 adam jumyspen qamtylady. Búginde qorshaǵan ortany qorǵaý, tústi metal óndirisin damytýda qaldyqtardy qaıta óńdeýdiń mańyzy óte zor. Joba tolyǵymen iske qosylsa, ekologııany zııandy qaldyqtardan tazartýǵa zor úles qospaq.
Kásiporyn jumysymen tanysqan Beıbit Atamqulov atalǵan óndiris ornynyń ekologııalyq tıimdiligimen qatar, áleýmettik-ekonomıkalyq roli de zor ekenin atap ótti. О́ndiris oshaǵy tolyq qýattylyǵynda jumys istegende, aýmaq zııandy qaldyqtardan 3-4 jylda tazartylatyn bolady.
