Kezdesýde «Ońtústik» óńirlik qolbasshylyǵy sarbazdarynyń áleýeti talqylandy. Sondaı-aq, aımaq basshysyna general-maıor qolbasshylyqta atqarylyp jatqan jumystar jaıly baıandady.
Oblys ákimi pandemııa kezinde koronavırýsqa qarsy kúreste áskerılerdiń qosqan úlesin erekshe atap ótti. Qyzylorda garnızonyna qarasty 66597 áskerı bólimi naýryz-maýsym aılary aralyǵynda oblys kóleminde ákimdikter, quqyq qorǵaý organdarymen birlesip dezınfeksııa jumystaryn júrgizdi. Sonymen qatar qala, aýdan jáne aýylaralyq blokbeketterde kúni-túni qyzmet kórsetti. Bul sharalarǵa bólim tarapynan áskerı qyzmetkerlermen qatar qajetti tehnıkalar tartylǵan.
G.Ábdiqalyqova aldaǵy ýaqytta da birlese atqarylatyn jumystardy odan ári jalǵastyrý kerektigin aıtty.
Aıta ketý kerek, «Ońtústik» óńirlik qolbasshylyǵy 2000 jyly qurylǵan. Qyzylorda, Jambyl oblystary men Shymkentte ornalasqan áskerı bólimder men quramalardan turady. Basty mindeti – Qazaqstannyń ońtústik shepteriniń qaýipsizdigin qamtamasyz etý. Al, Qyzylorda garnızonyna qarasty 66597 áskerı bólimi 2015 jyldyń sáýir aıynda qurylǵan. Sol ýaqyttan beri óńirde uıymdastyrylǵan áskerı daıyndyq, oqý-jattyǵý jáne praktıkalyq sharalarǵa at salysyp keledi.
