Aqmola oblysynyń ákimi Qosman Aıtmuhametov Kókshetaýǵa kelgen Astana jáne Qazaqstan mıtropolıti Aleksandrmen kezdesti. Mıtropolıt óńir basshysyna Kókshetaý jáne Aqmolanyń jańa epıskopy Serapıondy tanystyrdy.
Aqmola oblysynyń ákimi Qosman Aıtmuhametov Kókshetaýǵa kelgen Astana jáne Qazaqstan mıtropolıti Aleksandrmen kezdesti. Mıtropolıt óńir basshysyna Kókshetaý jáne Aqmolanyń jańa epıskopy Serapıondy tanystyrdy.
Júzdesý barysynda oblystaǵy irgeli ister jaıynda áńgime órbidi. О́ńirdegi ózara túsinistik pen kelisim shapaǵaty retinde oblys dıqandarynyń bıylǵy kúrdeli oraqta ár gektardan 12 sentnerden astyq jınaýy atap kórsetildi. Ortaq múdde jolyndaǵy ıgi josparlar da nátıjeli atqarylyp keledi. Bul oblysta tirkelgen 180 dinı birlestiktiń turǵyndardy jaqsylyq pen baýyrmaldyqqa jumyldyryp, memlekettik baǵdarlamalardyń tabysty oryndalýyna múddelilik tanytýynyń jemisi dep baǵalandy.
Oblysta dinı qyzmet pen ustanymdarǵa qurmet sezimi qalyptasqan. Qazirgi kúni 100 meshit pen 86 namazhanada, 25 pravoslavıe shirkeýinde, 9 katolık kostelinde jáne 22 ýaǵyz úıinde dinı is-sharalar júrgizilýde.
Mıtropolıt oblystaǵy dinı ahýaldyń turaqtylyǵyn, etnosaralyq jáne konfessııaaralyq kelisimdi saqtaý men nyǵaıtýda eleýli jumystar atqarylyp otyrǵandyǵyn atap kórsetti. Sonymen qatar, ol Astana qalasynda Ortalyq Azııadaǵy eń úlken jáne ulyq hram qurylysyna úles qosqany úshin oblys ákimi Qosman Aıtmuhametovke alǵysyn bildirip, «Blagodarnost» ordenimen marapattady.
Mıtropolıttiń oblysqa saparynda onyń janynda Qaraǵandy jáne Shahtınsk epıskopy Sevastıan birge boldy.
Baqbergen AMALBEK,
«Egemen Qazaqstan».
Aqmola oblysy.
