Bul rette tólem kartalarymen jıyntyq aınalymnan qolma-qol aqshany alý úlesi respýblıka aýmaǵynda 59,9%-dan 35,8%-ǵa deıin qysqaryp, kerisinshe aqshasyz esep aıyrysýdyń kólemi artty. Osydan 5 jyl buryn qolma-qol aqshany alý kórsetkishi aınalymnyń 90%-nan asyp turǵan edi.
Kartalar arqyly qolma-qol qarajatty sheshý kóleminiń qysqarýy úsh óńirde baıqalyp, qalǵan aımaqtarda jyldyq ósim 0,9%-dan (Mańǵystaý oblysy) 27,7%-ǵa deıin (Almaty oblysy) jetken.
Almaty shaharynda kerisinshe qolma-qol aqshanyń kólemi mınýs 28,2%-ǵa deıin azaıyp, edáýir qysqarý tirkelgen. Alaıda buǵan qaramastan, dál osy qarjy ortalyǵyna óńirler arasyndaǵy qolma-qol qarajatty alýdyń eń úlken úlesi tıesili (2,1 trln teńge).
Qazaqstanda tólem kartalaryndaǵy qarajat kóbinese bankomattar arqyly alynady. Máselen, qańtar-tamyz aılarynda onyń kólemi 9,6 trln teńgeni qurap, byltyrǵy uqsas kezeńmen salystyrǵanda 10,6%-ǵa kóbeıdi.
Koronavırýs pandemııasy men elimizdegi ekinshi deńgeıli bankterdiń shekteýli jumysynyń saldarynan bólimshelerdegi POS termınaldar arqyly qarajatty alý 2 esege qysqardy. Sáıkesinshe, qolma-qol aqsha alýdyń jalpy kólemindegi bankomattardyń úlesi 83,6%-dan 92,4%-ǵa deıin ósti.
Birinshi jartyjyldyqtyń sońyna qaraı alǵash ret respýblıka aýmaǵyndaǵy bankomattar sany 12 myńnan asyp, 2019 jylmen salystyrǵanda 10,8%-ǵa artty. О́sim Cash-in qyzmeti bar qurylǵylar sanynyń 36,4%-ǵa, ıaǵnı 4,9 myńǵa deıin ulǵaıýymen baılanysty. Onyń kólemi bankomattardyń jalpy sanynan bir jyl ishinde 33%-dan 40,6%-ǵa deıin ósken.
Al aqshany tek berý fýnksııasy bar qurylǵylardyń sany, kerisinshe 1,7%-ǵa, atap aıtqanda 7,2 myńǵa deıin azaıǵan. Tólem kartanyń ıeleri ámbebap qurylǵylardy paıdalanǵandy qup kóredi. О́z kezeginde bankter klıentterdiń suranystaryn qanaǵattandyrýǵa tyrysyp keledi.
Barlyq bankomattyń úshten biri Almatyda (2,3 myń) jáne elordada (1,5 myń) shoǵyrlanǵan. Sol sekildi myńdaǵan shaǵyn bankomat Túrkistan oblysy, Shymkent qalasy jáne Qaraǵandy aımaǵynda ornalasqan.
