L.N.Gýmılev atyndaǵy Eýrazııa ulttyq ýnıversıtetinde «Káýsar» mádenı-tanymdyq birlestiginiń uıymdastyrýymen aqyn, aýdarmashy, Qazaqstannyń eńbek sińirgen qaıratkeri, 40-tan astam jyr jınaqtarynyń avtory Kákimbek Salyqovpen kezdesý keshi ótti. Qara óleń men qazaqy án qatar órilgen «Jezkıik» atty júzdesýdi joǵaryda atalǵan birlestiktiń jetekshisi, professor Kenjeǵalı Myrjyqbaı júrgizdi. Ol aldymen jınalǵandardy aıtýly tulǵanyń taǵylymdy ómirimen tanystyryp ótti.
L.N.Gýmılev atyndaǵy Eýrazııa ulttyq ýnıversıtetinde «Káýsar» mádenı-tanymdyq birlestiginiń uıymdastyrýymen aqyn, aýdarmashy, Qazaqstannyń eńbek sińirgen qaıratkeri, 40-tan astam jyr jınaqtarynyń avtory Kákimbek Salyqovpen kezdesý keshi ótti. Qara óleń men qazaqy án qatar órilgen «Jezkıik» atty júzdesýdi joǵaryda atalǵan birlestiktiń jetekshisi, professor Kenjeǵalı Myrjyqbaı júrgizdi. Ol aldymen jınalǵandardy aıtýly tulǵanyń taǵylymdy ómirimen tanystyryp ótti.
Keshte Eýrazııa ulttyq ýnıversıteti fılologııa fakýltetiniń stýdentteri aqynnyń «Jyr ákeldim», «Zaman derti», «Jer urany – Ulytaý», «Adamdar aqqýlardy atpańdarshy», «Astana – týǵan eldiń ajarysyń», «Áıelderdiń minezi», «Senemin aqyl, qaırat, parasatqa» óleńderin oqydy. Qapash Qulysh, Farıza Jylqaıdarova, Adam Kákim syndy belgili ánshiler Kákimbek Salyqovtyń sózine jazylǵan «Jezkıik», «Úsh arys», «Taǵdyr», «Ańsaý» ánderin oryndady. Kákimbek Salyqov – tek aqyn, aýdarmashy ǵana emes, talantty sazger. Serik Ospanov, Birjan Esjanov shyrqaǵan «Tıme», «Aqqý jetken», «Saryarqa» ánderi sonyń dáleli.
Kezdesýdiń ekinshi bóliminde aqyn kórermender tarapynan qoıylǵan suraqtarǵa jaýap berdi. О́negeli ómirlik tájirıbesinen qyzyqty da mándi áńgimeler aıtyp, elge adal qyzmet qylý jaıynda, álemdik kókeıkesti problemalar, ultaralyq tatýlyq týrasynda keleli sóz qozǵady. Sonymen qatar, Kákimbek aǵa Astananyń 15 jyldyǵyna arnalǵan «Astana – eldiń júregi» atty jaqynda ǵana tusaýy kesilgen kitabyn tanystyryp, uıymdastyrýshylarǵa usyndy. Jıyn sońynda EUÝ prorektory, professor Dıhan Qamzabekuly Kákimbek Salyqov syndy tulǵalarmen kezdesý jas býynǵa úlgi-ónege ekendigin aıta kele, aqynǵa alǵys bildirip, ýnıversıtet atynan syı-sııapat jasady.
Abaı TILENShIEV,
EUÝ jýrnalıstıka jáne saıasattaný
fakýltetiniń stýdenti.
