Ekıpajdar áskerı kemeler maqsatyna sáıkes tapsyrmalardy sheshetin júzý aımaǵyn zerttedi.
Teńizshiler korabldik jaýyngerlik oqý-jattyǵýlardy pysyqtady. Sonymen qatar, áýe jáne sý ústi nysanalaryna oq jaýdyrdy.
"Mundaı joryqtar jeke quramǵa tájirıbelik jáne teorııalyq daǵdylardy ıgerýge, kemeler ekıpajdarynyń teńiz mashyǵy deńgeıin arttyrýǵa múmkindik beredi", dep atap ótti jıyn-joryqtyń jetekshisi, Áskerı-teńiz kúshteriniń Bas qolbasshysy kontr-admıral Sáken Bekjanov.
Onyń aıtýynsha, kemeler ekıpajdary qoıylǵan mindetterdi tolyq kólemde oryndady. Naýqan aldynda kemelerdi muqııat tekserilip daıyndalǵan. Buǵan deıin Qazaqstan ÁTK kemeleri aǵymdaǵy jyldyń maýsym aıynda jıyn-joryqqa shyqqan bolatyn.
Jalpy bıylǵy oqý jylynda, qańtar aıynan bastap qyrkúıek aıyna deıin Qazaqstannyń Áskerı-teńiz kúshteri teńizge 27 ret shyǵyp, 6200-den astam teńiz mılin júrip ótti.
