Qazaqstan Respýblıkasynyń Prezıdenti Q.Toqaevtyń COVID-19 ekinshi tolqynyna daıyndyq týraly tapsyrmasy aıasynda elordada karantın sharalarynyń saqtalýyna monıtorıng jáne baqylaý jónindegi sharalardy kúsheıtý týraly buıryq berildi. Erejelerdi jıi buzatyn nysandar oıyn-saýyq mekemeleri, qoǵamdyq tamaqtaný uıymdary – kafeler, meıramhanalar, karaoke, barlar, saýda ortalyqtary men bazarlar.
Nur-Sultan qalasy ákiminiń orynbasary Baqtııar Máken mobıldi toptar jumysyn kúsheıtýdi jáne kásipkerlik sýbektilerine kúndelikti túngi jáne kúndizgi reıdter júrgizýdi, karantındi buzýshylardy jaýapkershilikke tartýdy tapsyrdy.
"Sonymen qatar, COVID-19 ekinshi tolqyny bolǵan jaǵdaıda dári-dármek jetispeýshiligi men dárihanalarda baǵanyń ósýine jol bermeý qajet. Jaýaptylar dári baǵasyn qatań baqylaýǵa alýy kerek. Basqa elderden keletinder úshin mindetti PTR testileý qajet", dedi B.Maken.
Maska taǵý tártibin saqtamaǵan azamattarǵa da shara qoldanylady. Jınalysty qorytyndylaı kele, jınalǵandar COVID-19 taralýyn boldyrmaýǵa jáne aldyn alýǵa baǵyttalǵan sheshimderge qoldaý bildirdi.
