Semınar joǵary kásibı deńgeıde ótti, aqparat qoljetimdi ári aýdıtorııaǵa beıimdelgen túrde usynyldy, problemanyń barlyq aspektileri qozǵaldy jáne barlyq suraqtarǵa jaýaptar usynyldy. Álemdik tájirıbede qoldanylyp kele jatqan ınternetke táýeldilikti anyqtaý metodıkalarymen jumys isteý baǵyttary kórsetildi. Balalarmen jáne onyń ata-analarymen jumys isteýge ádistemelik nusqaýlyqtar berildi. Aldaǵy ýaqytta mektep psıhologtary alǵan bilimderin mindetti túrde óz jumystarynda qoldanady dep senemiz», – deıdi Almaty qalasy №5 mektep-gımnazııasynyń psıhologtary.
Semınarda kelesi bilikti trenerler óz tájirıbelerimen bólisti:
- psıhologııa ǵylymdarynyń kandıdaty, «Kommýnıkasııa jáne ulttyq qaýipsizdik ǵylymı-zertteý ınstıtýty» JShS jetekshi treneri, «Kásibı psıhologııalyq lıga» QB basqarma múshesi, «Qurmet» ordeniniń ıegeri Izbasarova Sáýle Ishanqyzy;
- krızıs jaǵdaıyndaǵy psıholog, dıagnost, konsýltant, vıktımıolog, ekspert, trener, medıator Baızdrahmanova Alııa Kamıdollaqyzy;
- tájirıbeli psıholog, psıholog-konsýltant, trener Qoıshıeva Lımana Quttybekqyzy;
- psıhologııa ǵylymdarynyń magıstri, Halyqaralyq Bıznes ýnıversıtetiniń dosenti, Kásibı psıhoterapııalyq lıganyń jeke terapevti jáne múshesi Kýlnazarova Aınýr Jasaǵanbergenqyzy;
- Psıholog, geshtalt-terapevt Asadıllaeva Alına Tımýrovna.
Semınar qatysýshylaryna tulǵa tıpterin psıhoanalıtıkalyq dıagnostıkalaý, balalar men jasóspirimderdegi ınternetke táýeldilikti anyqtaý boıynsha ádisti túsindirý, balalar men jasóspirimder jáne olardyń ata-analarymen ınternetke táýeldiliktiń aldyn alý boıynsha pedagog-psıhologtyń korreksııalyq jumysy boıynsha aqparattar berildi.
Sonymen qatar, aǵymdaǵy jyldyń 18 qyrkúıegi kúni «Máskeý metropolıteni» MÝK medısınalyq qyzmetiniń 1 kategorııaly psıhofızıology barlyq qatysýshylarǵa qosymsha dáris ótkizdi. Leksııa youtube vıdeohostınginde 12 myńnan asa ret qaraldy.
Joba uıymdastyrýshylary: «Mamandar alǵan bilimin aldaǵy ýaqytta tájirıbe júzinde tıimdi paıdalanýy úshin jyl sońyna deıin semınar qatysýshylaryna saraptamalyq qoldaý kórsetilip otyrady», – dep atap ótti.
Túrli zertteýlerdiń nátıjesi boıynsha álem halqynyń 10%-y ınternetke táýeldi ekeni anyqtalǵan. Japonııa, AQSh, QHR sııaqty birqatar elderde bul dert medısınalyq sanatqa jatqyzylyp, odan arylý úshin kásibı mamandar kómek kórsetedi.
Elimizde atalǵan másele resmı túrde medısınalyq aýrý retinde tirkelmese de, derttiń bary anyq. Osy oraıda Jas Ulan uıymy QR Aqparat jáne qoǵamdyq damý mınıstrligi jáne «Azamattyq bastamalardy qoldaý ortalyǵy» KEAQ qoldaýymen «Jastar men balalar arasynda ınternetke táýeldiliktiń aldyn alý jónindegi is-sharalar keshenin iske asyrý, sondaı-aq azamattardyń sıfrlyq bedelin qorǵaý» jobasy aıasynda birqatar aýqymdy is-sharalardy júzege asyryp jatyr. Aldaǵy ýaqytta eldegi ınternetke táýeldilik jaǵdaıyn anyqtaý maqsatynda keńaýqymdy áleýmettik zertteý júrgiziletinin atap ótý kerek.
