Eske sala keteıik, salyqtyq raqymshylyq sharasy bastalǵan kezde 1,5 mln jeke tulǵanyń jalpy qaryzy 25,1 mlrd teńgeni qurady, onyń ishinde negizgi qaryz 21,1 mlrd teńgeni, ósimpul 4,0 mlrd teńgeni qurady, dep habarlaıdy Qazaqstan Respýblıkasy Qarjy mınıstrliginiń Memlekettik kirister komıteti.
Salyqtyq raqymshylyqty qoldanǵan azamattardyń sany boıynsha alda kele jatqan óńirler úshtiginde Almaty q. (39 679), Shymkent q. (28 269) jáne Almaty oblysy (19 662).
Tómen belsendilik tanytqandar qatarynda Pavlodar (5007), Aqmola (4 350) jáne Soltústik Qazaqstan (1 568) oblystary.
Qaryzdy óteý kólemi boıynsha kóshbasshylar - Almaty q. (541 mln teńge), Almaty obl. (308 mln teńge) jáne Shymkent q. (245 mln teńge) turǵyndary.
Eń az ótelgen qaryz kólemi Batys Qazaqstan (35,4 mıllıon teńge), Pavlodar (22,7 mıllıon teńge) jáne Soltústik Qazaqstan (22 mıllıon teńge) oblystarynda baıqalyp otyr.
Esepten shyǵarylǵan ósimpuldardyń eń kóp mólsheri Almaty (67,8 mln. teńge) jáne Shymkent (42,8 mln. teńge) qalalaryna, sondaı-aq Almaty oblysyna (29,3 mln. teńge) tıesili.
Tómengi kórsetkish Atyraý (6 mıllıon teńge), Batys Qazaqstan (3,8 mıllıon teńge) jáne Soltústik Qazaqstan (2,8 mıllıon teńge) oblystarynda.
О́simpuldy esepten shyǵarýdyń basty sharty - negizgi salyq qaryzyn tóleý. О́smpuldar tólengen salyq túri boıynsha esepten shyǵarylady.
Salyqtyq raqymshylyqtyń merzimi 2020 jyldyń 31 jeltoqsanyna deıin.
О́simpuldardy esepten shyǵarý úshin eshqaıda barýdyń qajeti joq. Qaryzdyń negizgi somasyn tóleý jetkilikti. О́simpul avtomatty túrde esepten shyǵarylady.
