Komıssııa otyrystaryna TMD PAA Qorǵanys jáne qaýipsizdik máseleleri jónindegi turaqty komıssııasynyń músheleri, TMD salalyq yntymaqtastyq organdarynyń, Dostastyq memleketteriniń memlekettik bılik organdarynyń, sondaı-aq bilim berý jáne ǵylymı mekemelerdiń, halyqaralyq uıymdardyń ókilderi qatysty.
Otyrys barysynda "Ulttyq qaýipsizdik týraly" úlgi zań jobasy, TMD-ǵa qatysýshy memleketter Qarýly Kúshteriniń, áskerı kásiptik bilim berý júıesiniń jáne áskerlerdi daıarlaýdyń basshy qujattaryna halyqaralyq gýmanıtarlyq quqyq erejelerin kiriktirý boıynsha usynymdar jobasy qaraldy, sondaı-aq "Shuǵyl jedel qyzmetterdi shaqyrýdyń biryńǵaı júıesi týraly" úlgi zań jobasymen jumys barysy týraly baıandama tyńdaldy.
Sonymen qatar TMD PAA Saıası máseleler jáne halyqaralyq yntymaqtastyq jónindegi turaqty komıssııasynyń otyrysy boldy, oǵan Senat depýtaty Nurjan Nursıpatov qatysty.
Otyrysqa qatysýshylar qarýly qaqtyǵystar men terrorıstik áreketterge COVID-19 pandemııasynyń áseri týraly máseleni qarady. Sondaı-aq 2021 jylǵa josparlanǵan Halyqaralyq terrorızmge qarsy is-qımyl jónindegi konferensııaǵa daıyndyq barysy týraly baıandama tyńdaldy.
Kún tártibine sáıkes egemen memleketterdiń ishki isterine syrttan aralasýǵa jol bermeý týraly, ótken BUU Kontrterrorızminiń vırtýaldy aptasy (2020 jylǵy 6-10 shilde) týraly jáne Táýelsiz Memleketter Dostastyǵy aıasynda syrtqy ister mınıstrlikteriniń kóp deńgeıli keńesýleriniń 2021 jylǵa arnalǵan josparyn iske asyrý týraly máseleler qaraldy.
