Búgin memlekettik korporasııanyń jańa laýazym ıelerin ujymǵa vedomstvonyń vıse-mınıstri Abylaıhan Ospanov tanystyrdy.
Atap aıtqanda, "Azamattarǵa arnalǵan úkimet" memlekettik korporasııasy" KEAQ basqarma tóraıymynyń birinshi orynbasary bolyp Súıenish Ábdildın taǵaıyndaldy. Al korporasııanyń qarjy máselesine jaýap beretin tóraıym orynbasary retinde Nursultan Abahanov taǵaıyndaldy.
Súıenish Ábdildın 2011 jyly Qazaqstan-Brıtan tehnıkalyq ýnıversıtetin "Kompıýterlik tehnologııalar jáne baǵdarlamalyq qamtamasyz etý" mamandyǵy boıynsha bitirdi. 2014 jyly Ulybrıtanııadaǵy Bırmıngem ýnıversıtetinde bilim alǵan, ınformatıka magıstri dárejesi bar.
Eńbek jolyn 2011 jyly "Ulttyq aqparattyq tehnologııalar" AQ-da jetekshi maman retinde bastaǵan. 2012-2013 jyldary "EPAM Qazaqstan" JShS-da bıznes taldaýshy bolyp jumys istedi. 2014-2018 jyldar aralyǵynda "Qazposhta" AQ ár túrli laýazymdarda qyzmet etti. "Toolpar" JShS-niń basqarýshy seriktesi / bas dırektory boldy. Azamattarǵa arnalǵan úkimetke taǵaıyndalǵanǵa deıin QR Sıfrlyq damý, ınnovasııalar jáne aeroǵarysh ónerkásibi mınıstrliginiń keńesshisi qyzmetin atqardy.
Aqparattyq tehnologııalardy damytý, memlekettik qyzmetterdi bıznes-prosesterdi avtomattandyrýda úlken tájirıbesi bar.
Nursultan Abahanov 2004 jyly ál-Farabı atyndaǵy Qazaq memlekettik ýnıversıtetin "Álem ekonomıkasy" mamandyǵy boıynsha bitirdi. 2009 jyly Halyqaralyq bıznes akademııasyn korporatıvti menedjment mamandyǵy boıynsha aıaqtady. Sonymen qatar Almatydaǵy ekonomıka jáne quqyq ınstıtýtynda "Quqyqtaný" mamandyǵy boıynsha bilim aldy.
Eńbek jolyn 2005 jyly bank sektorynda bastap, onda 12 jyl eńbek etti. Jekemenshik jáne memlekettik basqarý (QR Ulttyq ekonomıka mınıstrligi) salasynda tájirıbesi bar. Sondaı-aq "Saryarqa" ÁKK" AQ-da basshylyq laýazymda boldy. Memlekettik korporasııaǵa taǵaıyndalǵanǵa deıin ol "Qazaqstandyq memlekettik-jekemenshik seriktestik ortalyǵy" AQ-da jumys istedi.
