«Parıjdegi IýNESKO shtab-páterinde ótken Materıaldyq emes mádenı murany qorǵaý jónindegi Konvensııaǵa qatysýshy memleketter Bas Assambleıasynyń VIII sessııasynyń sheshimimen «Uly taǵzym» qoǵamdyq qory Materıaldyq emes mádenı murany qorǵaý jónindegi Úkimetaralyq komıtette keńesshi qyzmetin atqarý úshin rastalǵan quzireti bar úkimettik emes uıym retinde akkredıtasııadan ótti. Qazaqstandyq uıymdar arasynda bul birinshi jaǵdaı bolyp tur. Quttyqtaımyz!», delingen atalǵan ókildiktiń habarlamasynda.
Iаǵnı, «Uly taǵzym» qoǵamdyq qory aldaǵy ýaqytta IýNESKO-nyń atalǵan Úkimetaralyq komıtetiniń májilisterine Qazaqstannyń atynan turaqty ókil retinde qatysyp, talqyǵa túsetin máselelerge qatysty pikir aıtý quqyǵyna ıe boldy.
Atalǵan qor 2009 jyldan beri júıeli túrde jumys istep keledi. Uıym Ulytaýdyń tarıhı, tabıǵı jáne rýhanı baı murasyn saqtaý jáne olardy keń aýqymda nasıhattaýdy óziniń basty maqsaty sanaıdy. Qazirgi tańda qoǵamdyq qor Túrkııa, Reseı, Qyrǵyzstan, О́zbekstan, Tájikstan jáne basqa da memlekettermen áriptestik tyǵyz qarym-qatynas ornatqan.
Osy oraıda, «Uly taǵzym» qoǵamdyq qorynyń basshysy Balǵyn Salyqova men uıymnyń ıdeıalyq qoldaýshysy, «Ulytaý» ulttyq tarıhı-mádenı jáne tabıǵı qoryq-murajaıynyń dırektory Baqtııar Qojahmetovtiń sátimen iske asqan sharýaǵa qosqan súbeli úlesterin aıta ketken jón.
Qaraǵandy oblysy
