San túrli sýretke toly keleli sharanyń shymyldyǵy Ulttyq mýzeıdiń ekskýrsııalyq jumystar, mýzeı pedagogıkasy jáne zaldardy saqtaý qyzmetiniń basshysy Janar Beıisova sózimen túrildi.
– Búgingi kórme elimizdegi mektepke deıingi uıymdardyń mańyzdylyǵyn kórsetedi. Baldyrǵandarǵa tárbıe berýde pedagogterdiń róli joǵary. Olardyń eńbegine baǵa jetpeıdi. Osy rette atalǵan kórme Muǵalimder kúnine oraı uıymdastyrylyp otyr. Kórmege qoıylǵan jumystardan kishkentaı balapandarymyz ben olardyń tárbıeshileriniń balabaqshadaǵy ómirlerin kóre alamyz, – dedi J.Beıisova.
Fotokórmege 200-ge jýyq fotosýret qoıylǵan. Olar – balalardyń, tárbıeshilerdiń, pedagogterdiń jáne Nur-Sultan qalasy balabaqshalary basshylarynyń jarqyn, qyzyqty jáne mazmundy ómirleriniń áserli ıllıýstrasııalary.
Shara barysynda qatysýshylar uıymdastyrýshylarǵa alǵys aıttyp, mundaı mańyzdy kezdesýler jıi ótip tursa degen izgi tilegin joldady.
– Sýretterdi túsirý barysynda balalar men tárbıeshilerdiń qarym-qatynasy jaıynda, balalarǵa qanshalyqty kóńil bólinetindigi, karantın kezinde balabaqshaǵa keletin balalardyń azdyǵyna qaramastan, olarǵa tolyqqandy jaǵdaı jasalatyndyǵyn baıqadym. Búgingi kórmege 40-qa jýyq jumysym qoıyldy. Buǵan deıin de birneshe fotokórmege qatystym. Balalarmen jumys istegen óte qatty unady, – deıdi fotograf Marat Ámirov.
Aıta keteıik, is-sharanyń qorytyndysy boıynsha osy jobaǵa qatysqan balabaqshalar men olardyń meńgerýshisi týraly fotosýretter jáne aqparatty qamtıtyn jalpy katalog-jýrnal shyǵarylady.
