Polısııa qyzmetkerleri ótken juma-jeksenbide mobıldik toptarmen birge júrgizgen reıd kezinde top adamdy jınap, toı ótkizýshilerdiń ústinen tústi.
«Atyraý» yqshamaýdanyndaǵy 17-kóshedegi úıde 40-50 adam, al Mechnıkov kóshesindegi úılerdiń birinde 30-40 adam qatysqan toı ótkizilgen. Stýdentter kóshesinde ornalasqan meıramhanalardyń birinde ótip jatqan toıda 80 adam, «Almagúl» yqshamaýdanyndaǵy meıramhanada toılanǵan týǵan kúnde 50-60 adam, Taımanov kóshesindegi meıramhanada 50-60 adamnyń jınaýymen toı ótkeni anyqtaldy. «Jeruıyq» yqshamaýdanynda ornalasqan meıramhanadaǵy karaoke-barǵa 15-20 adam jınalǵan» dep habarlady oblystyq polısııa departamentiniń baspasóz qyzmeti.
Al «Leshoz» yqsham aýdanynda jáne Vladımırskıı kóshesindegi eki kalıan-bar ıesi de karantın rejımine qaramaı, jumys istegeni belgili boldy.
Osy derekterge qatysty jınaqtalǵan qujattar Atyraý qalalyq taýarlar men qyzmetterdiń sapasy men qaýipsizdigin baqylaý basqarmasyna joldandy.
Atyraý oblysy
