Taraptar saýda-ekonomıkalyq, qarjy-ınvestısııalyq, kólik-logıstıka, agroónerkásip, munaı hımııasy, ǵarysh, taý ken metallýrgııasy, energetıka jáne basqa da salalardaǵy ekijaqty yntymaqtastyq keleshegin talqylady.
Kelissóz qorytyndysy boıynsha QR men BAÁ úkimetteri arasynda ınvestısııa máselesindegi yntymaqtastyq jónindegi qujatqa qol qoıyldy, bul qujat $6,1 mlrd-qa 21 jobany júzege asyrýdy kózdeıdi.
Investısııalyq jobalar qosylǵan quny men rentabeldiligi joǵary, sondaı-aq ishki jáne perspektıvaly syrtqy naryqtarda suranystyń úlken áleýeti bar jańa óndiris oryndaryn qurýdy kózdeıdi. Olardy iske asyrý Qazaqstanda jańa sapaly jumys oryndaryn ashýǵa, ozyq tehnologııalar men praktıkany engizýge jol ashady.
QR men BAÁ AО́K sektoryndaǵy yntymaqtastyq áleýetin iske asyrýǵa erekshe nazar aýdarady – josparlanǵan 21 jobanyń 10-y qosylǵan quny joǵary azyq-túlik ónimderin shyǵarýdy kózdeıdi. Bul Qazaqstanǵa BAÁ júzege asyryp jatqan 2051 jylǵa deıingi azyq-túlik qaýipsizdigi strategııasynyń mańyzdy býynyna aınalýǵa múmkindik beredi jáne eki el arasyndaǵy taýar aınalymyn odan ári arttyrýǵa yqpal etetin bolady.
Jumys saparyna ulttyq ekonomıka mınıstri R. Dálenov, ádilet mınıstri M. Beketaev, Nur-Sultan qalasynyń ákimi A. Kólginov, Strategııalyq josparlaý jáne reformalar agenttigi tóraǵasynyń orynbasary J. Mádıev, «Báıterek» UBH» AQ basqarma tóraǵasy A. Áriphanov jáne t. b. qatysty.
