Túrkistan oblysynyń ákimi О́mirzaq Shókeev О́rgebas jáne Fırdoýsı aýyldaryn aralap, qalpyna keltirý jumystarymen tanysty. Úı-úıdi aralap, jergilikti turǵyndarmen júzdesti. Halyqtyń kókeıindegi máselelerin tyńdady.
О́rgebas aýylynyń turǵyndary memleket tarapynan bólingen 17 mln teńge qarajatqa úı salýda. Eldi mekende aýyzsý júıeleri jańartylyp, joldar jóndelip jatyr. Sý shaıyp ketken oblystyq mańyzy bar 10 shaqyrym avtojoldyń osy aýyldaǵy 4,9 shaqyrymyn quraıtyn 4 kóshesine aǵymdaǵy jóndeý jumystary júrgizilýde. 200 oryndyq jańa mektep salynyp, eski mektep aǵymdaǵy jóndeýden ótken. Sonymen birge, qosymsha mekteptiń jylytý qazandyǵy qoıylyp, feldsherlik-akýsherlik beket salynýda.Al, Jańa jol aýyldyq okrýgine qarasty Fırdoýsı eldi mekeninde 327 úıdiń zardap shekken 308-i buzylyp, jańadan boı kóterdi. 600 oryndyq mektep jóndelip, jylytý qazandyǵyn tabıǵı gazǵa qosý jumystary júrgizilýde.
Sondaı-aq О́mirzaq Estaıuly dárigerlik ambýlatorııa qurylysynda bolyp, Myrzakenttegi jańa shaǵynaýdandy aralady. Jańadan salynǵan káriz júıesi stansasynyń jumysymen tanysty. Jeńis, Dostyq, Jańaturmys eldi mekenderi úshin 70 gektar jer telimin quraıtyn jańa shaǵynaýdanda 1200 oryndyq mektep pen balabaqsha, dárigerlik ambýlatorııa qurylysy júrgizilýde.
Túrkistan oblysy
