KABARDINDER QOL UShYN SOZADY

Prezıdent poshtasynan Memleket basshysynyń atyna Kabardın-Balkar Respýblıkasy (Reseı Federasııasy) Elbrýs aýdanynyń turǵyny Ýzeır Qurbanovtan jedelhat kelip tústi. Jedelhatta adam ólimi men úı-jaılardyń qırap-búlinýine ákelip soqqan Almaty oblysynyń Aqsý aýdanyndaǵy Qyzylaǵash sý qoımasynda bolǵan apat týraly habardy balkarlar qaıǵyra otyryp estidi, dep atap ótilgen. Kabardın-Balkar turǵyndary Shyǵys Qazaqstandaǵy oqıǵalarǵa da úlken qobaljýmen qulaq túrýde. Biz sizdermen birge 2000 jyly Tyrnyaýz qalasynda bolǵan qaıǵyny da bastan ótkerdik, ­– dep jazady Ý.Qurbanov, – sondyqtan mundaı tabıǵat apatynyń aýyr saldarlary qandaı bolatynyn jaqsy bilemiz. “О́z halqymnyń jáne jeke óz atymnan tabıǵat apaty sal­da­ry­nan qaıtys bolǵandardyń, son­daı-aq zardap shekkenderdiń tý­ǵan-týystaryna qaıǵyryp kóńil aıtamyn. Budan birneshe jyl burynǵy repressııa jyldarynda Qazaqstan halqy bizge kómek­tes­ti. Biz qazaq halqynyń keń peıi­li men qonaqjaılylyǵyn ár­daıym este saqtap kelemiz, bul – biz úshin teńdesi joq qun­dy­lyq. Qazaqstannyń kúızelisi – bizdiń kúızelisimiz. Zardap shek­ken­derge kómek úshin bizdiń tara­pymyzdan Qazaqstan halqy Assam­bleıasy qoryna 200 myń rýbl aýdaryldy”, – delingen jedelhatta.