Adam ómirimen oınaýǵa bolmaıdy. Onyń ústine kisi óltirilýi Qylmystyq kodeks boıynsha eń aýyr qylmys bolyp sanalady. Qasaqana kisi óltirýshilerdiń jazasy da eń aýyry.
Quramynda tergeýshi, krımınalıst, t.b. bar jedel top tótenshe oqıǵanyń sebebin anyqtaý, kisi óltirýshi qylmyskerdi ustaý, tergeý maqsatymen shuǵyl jolǵa shyqqan. Alaıda olar orta jolǵa barǵanda dabyl qaqqan áıeldiń ózi habarlasyp, shaqyrtýdan bas tartatynyn aıtqan. «Áıel ózi qońyraý shalyp, aqparatty joqqa shyǵarǵan. Atalǵan mekenjaı boıynsha ýchaskelik polısııa ınspektory jiberildi», dedi Petropavl qalasy PB Ekinshi polısııa bóliminiń bastyǵy Rýslan Syzdyqov.
Polısııa kapıtany Janat Muhamedjanov páterde masań kúıdegi áıel men eki er adamnyń bolǵanyn anyqtaǵan. Áıel otyrysta adam ólimi týraly ázildep, kóńil kótermekshi bolǵan. Áıeldiń mundaı áreketke buǵan deıin de barǵany belgili boldy. Naýryz aıynda da ol osylaı «ázildemek» bolyp, Ákimshilik quqyqbuzýshylyq kodekstiń «Arnaýly qyzmetterdi kórineý jalǵan shaqyrý» baby boıynsha jaýapqa tartylyp, 80 myń teńgeden astam aıyppul tólegen eken. Jasamys áıeldiń osyndaı áreketke barýynyń ózi – túrli kúdikter týdyrady. Álde oǵan mundaı buzýshylyq úshin tólegen aıyppul az kórindi me eken? Shynynda, mundaı quqyqbuzýshylyqtardy usaq demeı, tıimdi jaza qoldaný kerek qoı. Polısııamen ázildep, ótirik aıtyp, oınamaq bolǵandar demokratııalyq elderde de qatań jazaǵa tartylady. Máselen, osyndaı ótirik dabyl úshin Germanııada adam eki jylǵa deıin bas bostandyǵynan aıyrylýy múmkin. Al Amerıka mundaıdy «svatıng» dep ataıdy, ondaıdy jasaǵandar 10 myń dollar kóleminde aıyppul tóleıdi. Al izgilendirýdi pir tutqan bizdiń eldegi aıyppul dollarǵa shaqqanda bar bolǵany 200 dollar bolyp otyr. Osy máseleni zańdarǵa tolyqtyrýlar men ózgerister engizgende eskerý kerek sııaqty.
PETROPAVL
