«Qus fabrıkalaryndaǵy qus ólimi tolyǵymen toqtady. «Beskól qus fabrıkasy» JShS-de bir aıda qus tumaýynan 184 621 qus qyryldy. Barlyq zalal úshin ótemaqy beriledi. «Agroınterptısa» JShS-ne 391 myńnan astam bas óldi. Onyń ishinde jeldetýdiń bolmaýy saldarynan asfıksııadan 256 040 qus qyryldy, olar ótelýge jatpaıdy. Qus tumaýynan 135 384 bas qus qyryldy. Taǵy 41 642 bas tárkilenip, joıyldy. Osylaısha, eki qus fabrıkasyna 361 647 bas qus úshin ótemaqy beriledi», - dep habarlady Tursyn Qabdoldanov.
Sondaı-aq, ol Qazaqstan Respýblıkasynda 64 qus fabrıkasy jumys isteıtinin jáne olardyń tek ekeýinde ǵana qus tumaýy saldarynan ólim bolǵanyn atap ótti.
«Qus fabrıkalarynda tekserý júrgizý kezinde olardyń ıeleri veterınarııalyq-sanıtarııalyq talaptardy saqtamaǵany anyqtaldy. Atap aıtqanda, qus fabrıkalarynyń aýmaǵynda jem-shópke erkin qol jetkize alatyn jabaıy jáne qonys aýdaratyn qustar tabyldy», - dedi Veterınarııalyq baqylaý jáne qadaǵalaý komıtetiniń ókili.
Buǵan deıin Tursyn Kabdýldanov brıfıngte Qazaqstanda qustardyń táýlik ishinle ólimi 22 basqa deıin qysqarǵanyn habarlady. Jańa jaǵdaılar tek Soltústik Qazaqstan oblysynyń jeke qosalqy sharýashylyqtarynda tirkelgen. Respýblıkanyń basqa óńirlerinde a.j. 11 qazanda qus ólimi tirkelgen joq. Sońǵy 10 kúndegi dınamıkany eskere otyryp, Veterınarııalyq baqylaý jáne qadaǵalaý komıteti mamandary Qazaqstanda joǵarǵy patogendi qus tumaýynan qus óliminiń tolyq toqtaǵanyn atap ótti.
«Qyrkúıek aıynyń ortasynan bastap jeke qosalqy sharýashylyqtarda joǵary patogendi qus tumaýyn juqtyrýdyń saldarynan 25 myńǵa jýyq qus ólimi tirkeldi. Sonymen qatar, ınfeksııa oshaqtarynan 20 177 bas qus tárkilendi. Osylaısha, qazirgi ýaqytta barlyǵy jeke qosalqy sharýashylyqtaǵy 45 110 bas qusqa, onyń ishinde 27 393 bas taýyq, 777 kúrketaýyq, 10 141 qaz, 6 799 bas úırek úshin ótemaqy beriledi», – dep naqtylady spıker.
