Almaty qalalyq Ekonomıkalyq tergeý departamentiniń qyzmetkerleri tótenshe jaǵdaı kezinde zańsyz oıyn bıznesin uıymdastyrǵan astyrtyn kazıno uıymdastyrýshysyna qatysty sotqa deıingi tergeýdi aıaqtady.
"Osy jyldyń mamyr aıynda júrgizilgen jedel-tergeý sharalary barysynda Almatyda "Oıyn bıznesi týraly" zańnyń talabyn buzǵan jasyryn kazıno anyqtaldy. Tekserý kezinde mekemede oıynshylar men jumysshylar bolǵan, ári poker ústeli, 13 dana oıyn avtomaty, rýletka ústeli, sondaı-aq, kompıýterlik tehnıka, noýtbýk, teledıdarlar jáne ulttyq jáne shetel valıýtasyndaǵy aqsha tárkilengen", dep habarlady qarjy monıtorıng komıtetiniń baspasóz qyzmeti.
Buǵan qosa, Almaty qalasy Almaly aýdandyq sotynyń úkimimen jasyryn oıynhana uıymdastyrýshysy QR Qylmystyq kodesiniń 307-baby 3-bóliginiń 2-tarmaǵyna ("Asa iri mólsherde tabys tabý jáne zańsyz oıyn bıznesin uıymdastyrý") sáıkes kináli dep tanyldy. Sóıtip oǵan 4 jyl 2 aıǵa deıin bas bostandyǵynan aıyrý jazasy taǵaıyndaldy.
