"Búgin páter kezeginde turǵan birqatar azamat páter kiltterin aldy. Kezekte turǵan 900-den astam adam (halyqtyń áleýmettik álsiz tobyna jatatyndar) men turǵyn úı qurylys jınaq banki salymshylary páter ıeleri atandy. Olardyń keıbireýleri qazir qujattardy resimdeý satysynda. Biz úshin qoljetimdi áleýmettik turǵyn úı salý óte mańyzdy. Jyl saıyn myńdaǵan otbasy Elbasy bekitken "Nurly jer" memlekettik baǵdarlamasy boıynsha páter alady. Memleket basshysynyń tapsyrmasyna sáıkes bıyl jeńildetilgen turǵyn úı qurylysynyń kólemi úsh esege artty", deıdi shahar basshysy.
Elorda ákiminiń jazýynsha, qoldanysqa berilgen úı Esil aýdanynda ornalasqan. Atalǵan shaǵyn aýdannyń jańa úıleriniń birinshi qabattarynda áleýmettik nysandar ashamyz. Bul ońaltý ortalyqtary, balabaqshalar, medısınalyq kómek kórsetý pýnktteri, polısııa pýnkti jáne t.b. Tek osy turǵyn úı kesheninde ǵana osy úshin 4 myń sharshy metr bólindi.
Páterlerdi tapsyrý barysynda birqatar ortalyq ashyldy. Mysaly, psıhologııalyq-medısınalyq-pedagogıkalyq keńes berý ortalyǵy. Munda mamandar estý, qarym-qatynas jáne minez-qulyq buzylystary bar balalarǵa tekserý jáne kómek kórsetýmen aınalysady. Mundaı ortalyq sondaı-aq belgili bir buzýshylyqtardy erte kezeńde anyqtaýǵa múmkindik beredi, bul óz kezeginde qajetti medısınalyq kómekti ýaqtyly kórsetýge múmkindik beredi.
Sonymen qatar, ulttyq sport túrlerin damytý ortalyǵy – shahmat oınaýǵa arnalǵan kabınetter, toǵyzqumalaq, asyq oıyny zaly, arqa alan, qazaq kúresin jattyqtyrýǵa arnalǵan zal ashyldy.
Túlekterdi jumysqa ornalastyrý mańyzdy. Qoǵamdyq tamaqtaný jáne servıs kolledjiniń stýdentteri úshin osy aýdannyń jańa úıinde quzyrettilik ortalyǵy ashyldy. Munda stýdentter teorııalyq daǵdylardy tikeleı praktıkada qoldana alady. Ortalyq eńbek naryǵy úshin mamandardy tórt quzyrettilik boıynsha daıarlaıdy: aspazdyq/kondıterlik is, naýbaıhanalyq sheberlik, meıramhanalyq servıs.
"Elordada qurylys salasy kósh bastap tur. Jyl saıyn qalada áleýmettik nysandar, turǵyn úı keshenderi, qoǵamdyq keńistikter paıda bolady. Injenerlik kommýnıkasııalardy júrgizemiz, joldar salamyz. Bul jumystarǵa kún saıyn myńdaǵan qurylysshylar jumyldyrylyp, jumys oryndary quryldy. Qala turǵyndarynyń ómir súrý jaǵdaıyn jaqsartyp, qalamyzdy ózgertkeni úshin olarǵa alǵys aıtamyn!", dedi Nur-Sultan qalasynyń ákimi Altaı Kólginov.
