"QTJ" UK" AQ temir joldarǵa kúrdeli jóndeý júrgizýge baılanysty jolaýshylar poıyzdarynyń qozǵalys kestesinde ózgerister bolatynyn habarlaıdy. Aǵymdaǵy jyldyń sáýir aıynan bastap qozǵalys qaýipsizdigin jáne jolaýshylar men júk poıyzdarynyń jyldamdyǵyn arttyrýǵa baǵyttalǵan temir joldardy jańǵyrtý bastaldy. Jumystar shtattyq rejımde júrgizilýde. Koronavırýstyq ınfeksııamen kúres aıasynda qabyldanǵan barlyq qaýipsizdik sharalary eskerildi. "QTJ" UK" AQ keltirilgen qolaısyzdyqtar úshin jolaýshylardan keshirim suraıdy jáne jumysty tezirek aıaqtaý úshin barlyq qajetti sharalar qabyldanatynyn habarlaıdy", delingen habarlamada.
"Temirjol kóligi týraly" Qazaqstan Respýblıkasynyń 2001 jylǵy 8 jeltoqsandaǵy Zańynyń 80-babynyń 3-tarmaǵyna sáıkes jolaýshylar poıyzynyń keshigýi úshin aıyppul tóleý kózdelgenin eske salamyz (80-bap). Jolaýshyny, bagajdy, júk-bagajdy jetkizý merzimderin buzǵany úshin jaýapkershilik (3-t.).
Eger jóneltýdi kidirtkeni úshin, sondaı-aq jolaýshyny mejeli temirjol stansııasyna tasymaldaıtyn jolaýshylar poıyzynyń keshigip qalǵany úshin tasymaldaýshy kidirtý nemese keshigý eńserilmeıtin kúshtiń saldarynan bolǵanyn dáleldeı almasa, jolaýshyǵa zalaldy óteýden basqa, árbir kidirtý saǵaty úshin jolaýshyǵa jol júrý qujaty (bıleti) qunynyń 3% mólsherinde aıyppul tóleıdi.
О́ndirip alynǵan aıyppul somasy jol júrý qujatynyń (bıletiniń) qunynan aspaýy tıis. Jolaýshylar poıyzynyń keshigýi úshin aıyppul tóleý tasymaldaý erejelerine sáıkes jolaýshynyń ótinishi boıynsha júrgiziledi.
О́temaqy alý úshin jolaýshy vokzal boıynsha kezekshiden sońǵy kelý pýnktinde jol júrý qujatynda (bılette) ustalǵan saǵattardyń sany týraly mindetti belgi alýǵa tıis. Budan ári jolaýshy osy qujatpen, sondaı-aq jeke basyn kýálandyratyn qujatpen zań boıynsha tıisti ótemaqy alý úshin QTJ-nyń kez kelgen kassasyna júgine alady.
