Soltústik Koreıada jat qylyqtar jasady jáne ońtústikkoreıalyq telebaǵdarlamalardy kórdi dep aıyptalǵan 80 adam ólim jazasyna kesildi. Bul týraly LIGA. net saıty habarlady.
О́lim jazasyna buıyrylǵandardy on-onnan bólip, Soltústik Koreıanyń 7 qalasynda atty. Jat qylyqtarǵa boı aldyrdy jáne ońtústikkoreıalyq telebaǵdarlamalardy kórdi dep jazǵyrylǵandardyń arasynda pornografııalyq kórinisterdi jarııalap ustalǵandar da bar.
О́lim jazasyna kesilgenderdiń bir tobyn ashyq stadıonda atqan. Álgi stadıonǵa 10 myńdaı adam jınalǵan. Olardyń arasynda balalar da bolǵan. Atý jazasyn oryndaý sátin balalarǵa da kórsetý arnaıy uıymdastyrylǵan.
Soltústik Koreıada bılikke qarsy sóılegender, memleketti satqandar jáne lańkestik áreketke barǵandar zań boıynsha ólim jazasyna kesiletini belgili. Alaıda, keıingi ýaqyttarda Soltústik Koreıada usaq-túıekke bola adamdy ólim jazasyna buıyratyn jaǵdaılar oryn ala bastaǵan. Máselen, uıaly telefon paıdalanǵandarǵa nemese azyq-túlik urlaǵandarǵa ólim jazasy taǵaıyndalatyn kórinedi.
Joldybaı Bazar.
