Aımaqtar • 13 Qazan, 2020

Qyzylorda oblysyndaǵy jappaı tóbeleske qatysty tergeý bastaldy

910 ret

kórsetildi

1 mın

oqý úshin

Keshe áleýmettik jelilerde Qyzylorda oblysy Syrdarııa aýdany Toqmaǵambetov aýylyndaǵy kúrish egistiginde bolǵan tóbelestiń vıdeosy taraǵan edi. Osy oqıǵa jaıly brıfıng ótkizgen oblystyq polısııa departamenti ókilderiniń aıtýynsha janjal «Toqmaǵambetov jer» jaýapkershiligi shekteýli seriktestigine tıesili egistikti kúzetýshi «AzamatSecurityGroup» kúzet agenttiginiń qyzmetkerleri men aýyl turǵyndarynyń arasynda týyndaǵan, dep habarlaıdy Egemen.kz.

Murat JETPISBAEV

Qyzylorda oblysyndaǵy jappaı tóbeleske qatysty tergeý bastaldy

Kelispeýshilik kezinde qyzmettik travmatıkalyq qarýmen aspanǵa bir márte eskertý oǵy atylǵan jáne kúzetshiler basqarǵan avtokólik adam qaqqan. Osyǵan baılanysty Syrdarııa aýdandyq polısııa bólimi Qazaqstan Respýblıkasynyń Qylmystyq kodeksiniń 252-babymen kúzet qyzmetkerleriniń ókilettikterin asyra paıdalaný deregi boıynsha qylmystyq is qozǵap, tergeý amaldary júrgizilýde.

Oqıǵa ornynda tıisti quzyrly organdardyń ókilderi oblystyq jáne aýdandyq prokýratýra men polısııa departamenti basshylyǵy jınalǵan turǵyndarǵa zań sheńberinde túsindirme jumystaryn júrgizdi.

Kúrish alqabynda bolǵan janjalda «A.Toqmaǵanbetov» JShS-niń zańgerin uryp, dene jaraqatyn salǵan turǵyndar da tergelýde. Qazir tıisti saraptamalar taǵaıyndalyp, qorytyndylary kútilip otyr. Tergeý barysy oblystyq prokýratýra jáne polısııa departamenti bastyǵynyń baqylaýynda tur.

Quqyq qorǵaýshylardyń habarlaýynsha, qazir eki tarap kelisimge kelip, ahýal turaqtalǵan.