«VAZ» kóliginiń júrgizýshisi qala turǵynyn Balyqshy kentinen Alǵabas aýylyna aparý úshin taksı qyzmetin usynǵan. Biraq dittegen jerge jetkenshe, jolaýshynyń ar-namysyna tıip, tipti balaǵattap jibergen. Kólik júrgizýshisinen mundaı teris qylyqty kútpegen azamatsha №1 Atyraý qalalyq polısııa bólimine shaǵymdan túsiripti.
«Atalǵan shaǵymǵa sáıkes polısııa aǵa leıtenanty Rıshat Jamelov taksı júrgizýshisin jedel anyqtap, tekserý júrgizdi. Kólik júrgizýshisi – 46-jastaǵy azamatqa qatysty QR Ákimshilik quqyqbuzýshylyq týraly Kodeksiniń 434-baby (Usaq buzaqylyq), 571-baby (Zańsyz kisi tasymaldaý) jáne 612-babymen (Júrgizýshi kýáligi joq) hattamalar rásimdeldi. Sot sheshimimen taksı júrgizýshisi 12 táýlikke ákimshilik qamaýǵa alyndy» dep habarlady departamenttiń baspasóz qyzmeti.
