Jandary jaısań, qoınaýy qazynaǵa toly, tabıǵaty tamyljyǵan Zaısan óńirinde tarıhı oqıǵa oryn aldy. Budan shırek ǵasyrdaı buryn «Saıhannyń» sapaly kómirin ońtústik aýdandar turǵyndary paıdalanyp kelse, endi «Sarybulaqtaǵy» kógildir otyn el ıgiligine jaratylatyn boldy. Zaısannyń gazyn uzaq jyldar zerttegen mamandar bul óńirde 5 mıllıard 200 mıllıon tekshe metr gaz qory bar ekenin anyqtap, qujattarmen bekitip bergen. Al munaıdyń qory ázirshe 12,4 mıllıon tonna, ol áli tolyq zerttelip bolǵan joq. Jospar boıynsha aýdandaǵy 24 eldi meken gazben qamtylatyn bolsa, onyń 9-y alǵashqy kezekte gazdy tutyna bastamaq.
Jandary jaısań, qoınaýy qazynaǵa toly, tabıǵaty tamyljyǵan Zaısan óńirinde tarıhı oqıǵa oryn aldy. Budan shırek ǵasyrdaı buryn «Saıhannyń» sapaly kómirin ońtústik aýdandar turǵyndary paıdalanyp kelse, endi «Sarybulaqtaǵy» kógildir otyn el ıgiligine jaratylatyn boldy. Zaısannyń gazyn uzaq jyldar zerttegen mamandar bul óńirde 5 mıllıard 200 mıllıon tekshe metr gaz qory bar ekenin anyqtap, qujattarmen bekitip bergen. Al munaıdyń qory ázirshe 12,4 mıllıon tonna, ol áli tolyq zerttelip bolǵan joq. Jospar boıynsha aýdandaǵy 24 eldi meken gazben qamtylatyn bolsa, onyń 9-y alǵashqy kezekte gazdy tutyna bastamaq.
«Tarbaǵataı munaı» jaýapkershiligi shekteýli seriktestigi 2007 jyly qurylyp, Zaısannyń munaıy men gazyn ıgerýge alty jylda ınvestorlar 39 mıllıard 327,2 mıllıon teńge qarjy quıdy. Seriktestiktiń bas dırektory Bolat Elamanovtyń aıtýynsha, «Sarybulaq – Maıqapshaǵaı» gaz qubyry magıstralyn tartýǵa 27,5 mıllıard teńge jumsalǵan.Onyń uzyndyǵy – 92,5 shaqyrym. Qubyr arqyly jylyna 0,6 mıllıard tekshe metr kógildir otyn tutynýshylarǵa jetedi eken.
Juma kúni Zaısanǵa oblys ákimi B.Saparbaev kelip, eń aldymen gazdy avtomatty túrde bólip turatyn stansa jumysymen tanysty. Budan keıin ortalyq alańda memlekettik rámizder kompozısııasynyń ashylýy men «Alaýdy jaǵý» rásimi bolyp ótti. Oǵan aýdannyń aqsaqaldary men turǵyndary qatysty.
«QazTransGaz Aımaq» júrgizgen birinshi kezeń jumystarynyń sátti aıaqtalýy nátıjesinde Zaısan jáne Tarbaǵataı aýdandarynyń eldi mekenderin gazdandyrýǵa qajet tehnologııalyq baza jasaqtalǵanyn senimdi túrde aıtýǵa bolady. Bul Shyǵys Qazaqstan oblysynyń 2 aýdanynyń turǵyndaryn tabıǵı gazben qamtamasyz etýge múmkindik beredi. Sonymen qatar, kógildir otynnyń kelýi aımaqtaǵy jumys istep turǵan jáne aldaǵy ýaqytta ashylatyn óndiristik kásiporyndardyń damýyna tyń serpilis beredi.
«QazTransGaz Aımaq» kompanııasy Zaısandy gazdandyrý jumystaryn iske asyrýmen qatar Shyǵys Qazaqstan óndiristik fılıalyn quryp, osy óńirde jańa baza qurdy. Bul «QazTransGaz Aımaq» kompanııasy – turǵyndardy jáne kásiporyndardy taýarlyq gazben qamtamasyz etý boıynsha óz qyzmetin júzege asyra bastaǵan elimizdiń toǵyzynshy gazdandyrylǵan aımaǵy.
– Zaısan aýdanynyń turǵyndaryn búgingi tarıhı oqıǵamen jáne kele jatqan el Táýelsizdiginiń 22 jyldyǵymen quttyqtaımyn! Budan buryn zaısandyqtar «Saıhannyń» kómirin shırek ǵasyr boıy tutynyp kelse, endi kógildir gazdyń rahatyn kórmek. Búgingi kúni Zaısan qalasynda gaz qubyrlary tartylyp, naqtyly jumystardyń júrgizilgenin kórip turmyn, bıyl qalanyń 473 úıi gazben qamtylmaq. Onyń ar jaǵynda 24 eldi meken turǵyndary osy otyn túrimen qamtylatyn bolady. Aýdan jurtshylyǵyn osy bir jarqyn ispen quttyqtaımyn, ıgilikterińizge jaratyńyzdar. О́mirlerińiz gúldenip, elimizdiń dańqy arta bersin, – dedi oblys ákimi Berdibek Saparbaev.
Budan keıin Munaı jáne gaz vıse-mınıstri Maǵzum Myrzaǵalıev, Zaısan aýdanynyń qurmetti azamaty, jazýshy Qalıbek Altybaev sóz alyp, turǵyndardy kógildir otynnyń kelýimen quttyqtady. Aıta ketý kerek, bıylǵy jazda kórshi Qytaıǵa da gaz qubyry tartylǵan, elimizdiń gazyn kórshi memleket te tutynbaq. Merdiger uıym basshysy «Trans-Azııa-kontraktsheın» JShS-iniń bas dırektory Súleımen Atanııazov Zaısan gazynyń bolashaǵynyń zor ekenin, amanshylyq bolsa, munaı bulaǵy aǵatyn kúnniń de alys emes ekenin tilge tıek etti. Budan keıin ortalyq alańdaǵy arnaıy jabdyqtalǵan jerde alaý jaǵyldy.
Kerimbaev kóshesinde turatyn Kúlásh Faızrahmanova degen 87 jastaǵy batyr ananyń qýanyshynda shek joq. Kelgen qonaqtar úıge kirgen kezde kógildir gaz janyp, peshte et pisip jatyr. Qarııa elimizge tynyshtyq pen tatýlyq syılaǵan Elbasy Nursultan Nazarbaevqa alǵysyn bildirdi. Erekshe tolqynys ústindegi keıýana kógildir otyndy halyqqa jetkizip bergen kásiporyn – «QazTransGazAımaq» JShS basshysy Qaırat Sháripbaevqa da rahmetin jaýdyrdy. О́ńir basshysy Zaısandaǵy alǵashqy gazdy tutynǵan anaǵa uzaq ǵumyr tiledi.
Kúni keshe aýdandaǵy baıyrǵy bilim ordasy – bir ǵasyrlyq mereıtoıyn atap ótken M.Áýezov atyndaǵy mektepke kógildir gaz kelgen kezde ustazdardyń qýanyshynda shek bolmady. Munda gaz qubyryn ornatý qyrkúıekte bastalyp, 10 qazanda aıaqtalypty. Mektep dırektory Nurzada Jıkenova ustazdar atynan óńir basshysyna alǵysyn bildirdi.
Sonymen, Zaısannyń alaýy laýlady. Áli aýdannyń barlyq eldi mekenderin gaz qubyryna qosý úshin aýdan ákimi Almas Ońdaqanovtyń komandasyna kóp izdenis pen iskerlik tanytýlary kerek.
Budan keıin óńir basshysy aýdannyń birneshe mekemelerin, Q.Rysqulbekov atyndaǵy saıabaqty jáne batyr ulǵa boı kótergen eskertkishti ashty. Budan keıin jańadan ashylǵan jas natýralıster ortalyǵyn aralap kórip, Zaısan aýdany aktıviniń keńeıtilgen májilisine qatysty. Sol kúni tústen keıin Kúrshim aýdanynyń Qazyna ótkelinde kúrdeli jóndeýden ótken qýatty «Kúrshim» paromynyń ashylýyna qatysty. Aýa raıynyń qolaısyz kezinde de aýdan turǵyndary endi jol qıynshylyǵynan qutylatyn boldy.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Zaısan aýdany
