Ekonomıka • 14 Qazan, 2020

Júk kólikterine de ótemaqy beriledi

754 ret

kórsetildi

1 mın

oqý úshin

Bıyl 12 qazannan bastap О́KM Operatory Indýstrııa jáne ınfraqurylymdyq damý, Ekologııa, geologııa jáne tabıǵı resýrstar mınıstrlikteriniń kelisimimen eski kólikterdi qaıta óńdeýge qabyldaý baǵdarlamasyna ózgeris engizdi. Budan bylaı tozyǵy jetken júk jáne jolaýshylar kóligin tapsyratyndarǵa da aqshalaı ótemaqy beriledi.

Dýman ANASh

Infografıkany jasaǵan Amangeldi Qııas, «EQ»

Beriletin aqsha tapsyrylatyn kólikterdiń sanatyna baılanysty aılyq eseptik kórsetkish (AEK) boıynsha baǵalanady. Aıtalyq, M2, N1 (salmaǵy 1,3 tonnadan kem kólik quralyn qospaǵanda) jáne N2 sanatyndaǵy kólik quraldaryna 144 AEK (400 032 teńge) beriledi. Osy sanattaǵy tolyq emes jıyntyqtaǵy kólikterge 126 AEK (350 028 teńge) tólenedi. Aýyr salmaqtaǵy júk kólikteri (M3, N3 sanaty) 600 myń teńgeden (216 AEK) 550 myń teńgege (198 AEK) deıin baǵalanady.

Kólik tapsyrǵandarǵa 2 kún ishinde banktaǵy shotyna aqsha aýdarylady. Aıta ketý kerek, kólikti jeńildik sertıfıkatyna almastyrý baǵdarlamasy ýaqytsha toqtatylady.

Eske sala ketelik, isten shyqqan kólik quraldaryn qaıta óńdeýge qabyldaý baǵdarlamasy iske qosylǵannan beri Qazaqstan boıynsha 150 myńǵa jýyq kólik joıýǵa tapsyryldy. Onyń ishinde 2 596 dana ortasha tonnalyq tehnıka, 600-ge jýyq aýyr salmaqtaǵy kólik quraly bar. Qabyldanǵan barlyq mashına Qaraǵandydaǵy eski kólikterdi qaıta óńdeıtin zaýytqa jiberiledi.