Merzimdi qyzmettegi áskerı qyzmetshilerdi shyǵaryp salý-Jaýyngerlik Týmen jáne bir jyl boıy qyzmet etken jeke qurammen qoshtasý rásimi. Bolashaq zapastaǵy áskerılerdi bólim komandıri podpolkovnık Núrken Qaraǵulov ózi qarsy aldy.
"Sizderdiń árqaısylaryńyz kez kelgen ýaqytta Otandy qorǵaýǵa daıyn bolatyn azamat bolǵandaryńyzǵa senimdimin. Men úılerine qaıtaıyn dep jatqan barlyq sarbazdarǵa, olarmen birge bir jyl boıy bolǵan barlyq ofıserler men serjanttarǵa alǵysymdy bildirgim keledi. Ata - analaryńyzǵa naǵyz Otan qorǵaýshylardy tárbıelegeni úshin rızashylyǵymdy bildiremin", - dep atap ótti podpolkovnık Núrken Qaraǵulov.
Úlgili áskerı tártip, jaýyngerlik daıarlyqta kórsetken úzdik nátıjeleri úshin, úzdik áskerı qyzmetshiler alǵys hattarmen jáne gramotalarmen marapattaldy. Birqatar áskerı qyzmetshiler erekshe marapatqa – bólimniń Jaýyngerlik týy aıasynda jeke fotosýretke ıe boldy.
Saltanatty is-sharanyń sońynda zapasqa shyǵarýshylar aldynda áskerı bólimniń jeke quramy saptyq plas alańynda saltanatty sherýmen ótti.
