Taraptar Qazaqstanda jemqorlyqqa qarsy saıasatty damytý jáne elimizdiń Dúnıejúzilik Bank anyqtaıtyn «Memlekettik basqarý ındıkatorlary» boıynsha qol jetkizgen jetistikteri máselelerin talqylap, yntymaqtastyqty odan ári keńeıtý josparlaryn belgiledi.
Kezdesý barysynda Agenttik tóraǵasy ekinshi taraptyń nazaryn Qazaqstannyń saıası jańǵyrýynyń negizgi aspektilerine aýdara otyryp, jemqorlyqqa qarsy zańnamanyń ózekti novellalaryn tanystyrdy.
A. Shpekbaev Memleket basshysynyń saıası erik-jigeriniń arqasynda Qazaqstanda sybaılas jemqorlyqqa qarsy is-qımyl boıynsha júıeli jáne keshendi jumys júrgizilip, jemqorlyqqa qarsy aldyńǵy qatarly halyqaralyq standarttar josparly túrde engizile otyra, pármendi qylmystyq-quqyqtyq sharalar iske asyrylyp jatqandyǵyn atap ótti.
О́z kezeginde Jan-Fransýa Marto elimizdiń sybaılas jemqorlyqqa qarsy is-qımyldaǵy jetistikterin joǵary baǵalap, «Qazaqstan memlekettik basqarýdyń 6 ındıkatorynyń ishinen dál osy jemqorlyqty baqylaý kórsetkishi boıynsha ilgeri jetistikke qol jetkizdi. Bul Agenttiktiń eldik tabystaǵy jetekshi rólin aıǵaqtaıdy. Sońǵy eki jylda Qazaqstan jemqorlyqty tıimdi baqylaıtyn elder sanatyna aıtarlyqtaı jaqyndaı otyryp, paıyzdyq dárejeni 19,7%-dan 43,8%-ǵa deıin eki esege jaqsartty. Bul qabyldanyp jatqan sharalardyń nátıjeliligin jáne jemqorlyqty joıýǵa baǵyttalǵan naqty áreketterdi kórsetetini sózsiz», - dep atap ótti.
Kezdesý qorytyndysy boıynsha taraptar jemqorlyq táýekelderin anyqtaý jáne aldyn alý-profılaktıkalyq jumys boıynsha sıfrlyq júıelerdi engizý, Agenttiktiń ózekti jobalaryn maqsatty qarjylandyrý, sondaı-aq Orta Azııa óńirinde jemqorlyqqa qarsy is-qımyldyń qazaqstandyq tájirıbesin taratý máselelerin pysyqtaýǵa kelisti.
