Astana qalasynda Jedel respıratorlyq vırýstyq ınfeksııanyń aldyn alý jónindegi aılyqqa arnalǵan jıyn ótti.
Kezdesýde 1 – 30 qarasha aralyǵynda elimizdiń barlyq óńirlerinde JRVI, tumaý jáne pnevmokoktyq ınfeksııanyń aldyn alý boıynsha aılyq ótkizilip jatqany habarlandy.
Astana qalasynda Jedel respıratorlyq vırýstyq ınfeksııanyń aldyn alý jónindegi aılyqqa arnalǵan jıyn ótti.
Kezdesýde 1 – 30 qarasha aralyǵynda elimizdiń barlyq óńirlerinde JRVI, tumaý jáne pnevmokoktyq ınfeksııanyń aldyn alý boıynsha aılyq ótkizilip jatqany habarlandy.
MSEQKD basshysynyń orynbasary M.Júsipovanyń aıtýynsha, tumaý men JRVI dúnıe júzi boıynsha tirkelgen juqpaly aýrýlar arasynda alǵashqy orynǵa ıe. JRVI men tumaýdy týyndatatyn vırýstar muryn men tamaqtan bastap, ókpege deıin barlyq keńistiktegi epıtelııli jasýshalardy zaqymdaıdy.
Dúnıejúzilik densaýlyq saqtaý uıymynyń málimeti boıynsha jyl saıyn álemniń jer-jerinde tumaýdyń 3-5 mln. túri tirkelip, tumaý ınfeksııasynyń kesirinen bolǵan 250-500 myń ólim-jitim oqıǵasy tirkelgen.
Qazaqstanda Sanıtarlyq- epıdemıologııalyq saraptaý jáne qadaǵalaý ǵylymı-tájirıbelik ortalyǵynyń derekterine qaraǵanda, byltyr 1 044 834 JRVI-ge shaldyǵý jáne 626 tumaý oqıǵasy, al Astana qalasy boıynsha bıylǵy jyldyń 9 aıynda 39 118 JRVI-ge shaldyǵý oqıǵasy tirkelgen.
Sharanyń maqsaty: halyqty, ásirese, júkti áıelder men 1 jasqa deıingi balalary bar jáne balalarǵa arnap uıymdastyrylǵan ujymdarǵa baratyn ata-analar arasynda jeke jáne qoǵamdyq qorǵanys sharalary, turǵyndardy asqynýdyń aldyn alý úshin zamanaýı medısınalyq kómekke júginýdiń qajettiligi týraly habardar etý. Sonymen birge, kezdesýde MSEQKD basshysynyń orynbasary 633 mln. teńge bıýdjet qarjysyna tumaýǵa qarsy vaksına satyp alynǵanyn atap ótti.
Aıjuldyz ERBOLATQYZY,
L.N.Gýmılev atyndaǵy
EUÝ stýdenti.
