Parlament • 14 Qazan, 2020

Senat depýtattary agroónerkásip keshenin odan ári damytý máselelerin talqylady

137 ret

kórsetildi

1 mın

oqý úshin

Búginde elimizde azyq-túlik óndirisiniń kólemi 12%-ǵa artyp, 1 629 mlrd teńgeni qurap otyr. Sonymen qatar otandyq óndiristiń ishki tutynýdaǵy úlesi 80%-dan asty. Aýyl sharýashylyǵy mınıstrliginiń derekteri boıynsha 2016-2019 jyldar aralyǵynda aýyl sharýashylyǵy ónimderi men onyń qaıta óńdelgen ónimderiniń eksporty bir jarym ese ulǵaıdy, dep habarlaıdy Egemen.kz Senattyń baspasóz qyzmetine silteme jasap.

Marjan TILEÝBEK

Senat depýtattary agroónerkásip keshenin odan ári damytý máselelerin talqylady

Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattary parlamenttik tyńdaý qarsańynda Aýyl sharýashylyǵy mınıstrliginiń ókilderimen kezdesken bolatyn.

Depýtattar kezdesý barysynda bıylǵy 8 aıdyń qorytyndysy boıynsha aýyl sharýashylyǵyndaǵy jalpy ónim kólemi 4,9 %-ǵa artyp, 2,4 trln teńgeni quraǵany týraly habardar boldy.

Parlament depýtattary sondaı-aq sýbsıdııalaý baǵdarlamasyn damytý, aýyl kásipkerleri úshin salyqtyq jeńildikter boıynsha múmkindikterdi keńeıtý qajettigin atap ótti. "QazAgro" holdınginiń aqparaty boıynsha, bıylǵy jyldyń 9 aıynda nesıelendirý men lızıngti qosa alǵanda, agroónerkásip keshenin qarjylandyrý kólemi 325,1 mlrd teńgege jetti.

Kezdesý qorytyndysy boıynsha problemalardy sheshý jáne agroónerkásip keshenin damytý jónindegi usynystar ázirlenedi jáne 2020 jylǵy 23 qazanda parlamenttik tyńdaýda aıtylatyn boldy.